مودی کے دور اقتدار میں بھارتی فوج میں چھپے جنسی درندے سامنے آگئے

بھارتی فوج کے کرنل امیت کمار نے بھارتی فوج میں چھپے جنسی درندوں کو بے نقاب کر دیا، عورتوں کے لیے غیر محفوظ ملک بھارت میں عورت کی عزت فوجی افسران کے ہاتھوں پامال ہونے لگی۔ کرنل امیت کمار نے اعلیٰ افسران کی جانب سے بیوی کے ریپ کا گھناؤنا راز فاش کر دیا۔ کرنل امیت کمار کا کہنا ہے کہ بھارتی فوجی افسران اپنی کمزوری کو ’’آرڈرز اور ڈیوٹی‘‘ کی آڑ میں چھپاتے ہیں، جب میں اپنی بیوی کو فیملی وارڈ سے لے کر آیا تو اُس کی عصمت دری کی گئی۔ بھارت فوج کے کرنل نے انکشاف کیا کہ اڈیشہ کا خوفناک واقعہ پولیس کے ہاتھوں ہوا جبکہ میری بیوی کے ساتھ جنسی زیادتی جنرلز اور بریگیڈیئرز نے کی۔ جنرلز نے بیوی کی عزت پامال کی، ویڈیوز بھی موجود ہیں مگر کوئی مقدمہ درج نہیں کیا گیا۔ کرنل امیت کمار نے کہا کہ ایف آئی آر 33/2024 میں تین بریگیڈیئر اور ایک لیفٹیننٹ کرنل نامزد تھے مگر سب کو کلین چٹ دے دی گئی، کیس کی تحقیقات بھی انہی افراد نے کی جو خود اس جرم میں ملوث تھے۔ ایڈجوٹینٹ جنرل، لیفٹیننٹ جنرل ایس پی سنگھ کا بھائی ہے جبکہ بریگیڈیئر پربھو اور میجر جنرل سندیپ قانونی مشیر ہیں، شکایات انہی کے خلاف ہیں۔ بھارت فوج پر کڑی تنقید کرتے ہوئے کرنل امیت کمار نے کہا کہ عورتوں کے خلاف سنگین جرائم پر آرمی چیف خاموش کیوں ہے؟ یہ کوئی غفلت نہیں بلکہ ایک سوچا سمجھا مجرمانہ عمل ہے، اسپتال کی جانب سے آج تک ہمیں کوئی میڈیکل دستاویز فراہم نہیں کی گئی، یہ واقعہ یونیفارم میں موجود ڈاکٹروں کی اصل حقیقت کو ظاہر کرتا ہے اور جب خود آرمی کمانڈر ہی ملوث ہو تو انصاف کی توقع نہیں کی جا سکتی۔ کرنل امیت کمار نے سوال اٹھایا کہ کیا بھارتی جنرلز قانون سے بالاتر ہیں؟ کس نے انہیں خواتین کی عزت سے کھیلنے کا اختیار دیا؟ میری بیوی کی کردار کشی کرنے کے لیے جھوٹے پیغامات کے ذریعے عوام اور پولیس کو گمراہ کرنے کی کوشش کی گئی۔ There is no answer to such acts @India_NHRC @NCWIndia Why are you existing? You take due motto cognizance of professor ? But your eyes remain closed on this act? Why did you not carried out check on ICC committee at Ambala? Which law allowed an inquiry in this way? With force.… pic.twitter.com/0Oc7lI14Rq — Col Amit Kumar ????????INDIAN COMRADE ???????? (@ColAmitkumar) June 27, 2025 انہوں نے انکشاف کیا کہ قومی خواتین کمیشن کی شکایت پر ایس پی کانگڑا کو پانچ دن میں نئی پوسٹنگ پر بھیج دیا گیا، میں ضرور بھارتی فوج کی ویسٹرن کمانڈ کو بے نقاب کر کے رہوں گا۔ مودی سرکار کی نااہلی کے باعث بھارتی فوج کردار کشی اور ویڈیوز کے ذریعے متاثرین پر دباؤ ڈال رہی ہے۔ مودی سرکار کی بدولت فوجی درندے عورتوں کی عصمت دری کے بعد بھی آزاد گھوم رہے ہیں۔ بھارتی فوج وردی کی آڑ میں انسانی حقوق اور خواتین پر مظالم کی نئی داستانیں رقم کر رہی ہے۔

اگر آپ اس خبر کے بارے میں مزید معلومات حاصل کرنا چاہتے ہیں تو نیچے دیے گئے لنک پر کلک کریں۔

مزید تفصیل