کراچی پولیس کے اہلکار بھتہ خوری میں ملوث، دکاندار عدالت پہنچ گیا

شہر قائد کے علاقے لیاری میں پولیس اہلکاروں کی جانب سے دکاندار سے جبری بھتہ وصولی کا انکشاف ہوا ہے۔ ایکسپریس نیوز کے مطابق لیاری میں دکاندار سے بھتہ طلبی پر دکاندار محمد فہد نے پولیس اہلکاروں کیخلاف مقدمے کے اندراج کے لیے درخواست سیشن عدالت میں دائر کردی۔ درخواست میں ایس ایس پی کمپلینٹ سیل اور ایس ایچ او کلاکوٹ کو فریق بنایا گیا۔ درخواست میں پولیس اہلکار شوکت، ساجد، بلال اور سراج بطور ملزمان نامزد کیا گیا ہے۔ درخواست گزار کی نے موقف اختیار کیا ہے کہ لیاری جھٹ پٹ مارکیٹ میں کنفکشنری اور پان کے سامان کی دکان چلاتا ہوں، پولیس اہلکار میری دکان پر آئے اور ہفتہ وار بھتہ ادائیگی کا کہا جو میں نے منع کردیا۔ انہوں نے کہا کہ 13 جولائی کو دوبارہ میری دکان پر آئے اور مجھے تھانہ چاکیواڑہ لے گئے، تھانے لیجاکر میری دکان میں رکھی ایک لاکھ روپے سے زائد کی رقم بھی ہتھیالی، بھتہ ادائیگی سے منع کرنے پر مجھ پر گٹکا برآمدگی کا جھوٹا مقدمہ درج کرادیا۔ دکاندار کے مطابق ضمانت لیکر جیل سے رہا ہوا تو پولیس والے دوبارہ بھتہ مانگ رہے ہیں اور ہراساں کررہے ہیں، بھتہ نہ دینے پر دوبارہ منشیات برآمدگی کے مقدمات میں گرفتار کرنے کی دھمکیاں دی جارہی ہیں۔ پولیس والے کیخلاف اعلیٰ حکام اور تھانے میں شکایت کرنے پر بھی کوئی کارروائی نہیں کررہے، ملزمان پولیس اہلکاروں کیخلاف مقدمہ اندراج کا حکم دیا جائے۔

اگر آپ اس خبر کے بارے میں مزید معلومات حاصل کرنا چاہتے ہیں تو نیچے دیے گئے لنک پر کلک کریں۔

مزید تفصیل