اسرائیل سے رہا گلوبل صمود فلوٹیلا کے ارکان پر اسپین میں ایئرپورٹ پولیس کا بدترین تشدد

غزہ کی ناکہ بندی توڑتے ہوئے انسانی بنیاد پر فلسطینیوں کو امداد لے کر جانے والے گلوبل صمود فلوٹیلا کے ارکان کو اسرائیل کی قید سے رہائی کے بعد اسپین میں ایئرپورٹ پر پولیس نے بدترین تشدد کا نشانہ بنا دیا، جس کی ویڈیو سوشل میڈیا پر وائرل ہوگئی ہے۔ برازیل سے تعلق رکھنے والے انسانی حقوق کے رہنما اور اس سے قبل اسرائیل کی قید سے رہائی پانے والے تھیاگو اویلا نے ایکس پر ویڈیو جاری کی اور بتایا کہ شرم ناک! ہمارے فلوٹیلا کے رضاکاروں پر اسپین کے شہر باسک کے علاقے بلباؤ میں ایئرپورٹ پولیس نے حملہ کیا۔ انہوں نے بتایا کہ ان رضاکاروں کو  اس وقت تشدد کا نشانہ بنایا گیا جب وہ اپنے ملکی واپس آرہے تھے۔ OUTRAGEOUS! In front of their families and the entire Basque press, our Flotilla volunteers were attacked by the airport police in Bilbao, Basque Country-Spain, upon returning to their home country. pic.twitter.com/CinNouZYjo — Thiago Ávila (@thiagoavilabr) May 23, 2026 واقعے کے حوالے سے ان کا کہنا تھا کہ جب ایک رضاکار کے رشتے دار نے اپنے پیارے ملنے کے لیے رکاوٹ عبور کرنے کی کوشش کی تو ایرٹزینٹزا (باسک کی خود مختار پولیس) نے اچانک اور حیرت انگیز طور پر تشدد شروع کردیا۔ تھیاگو نے کہا کہ جو لمحہ سکون اور اہل خانہ کے لیے خوشی کا باعث ہونا چاہیے تھا لیکن اس کو انتہائی ظالمانہ انداز میں خراب کردیا گیا۔ When a family member attempted to cross a barrier to embrace their loved ones, the Ertzaintza (Basque autonomous police) suddenly and shockingly responded with violence. What should have been a moment of relief and familial comfort was interrupted by even more brutality. pic.twitter.com/XV3bQYjjkl — Thiago Ávila (@thiagoavilabr) May 23, 2026 بعد ازاں انہوں نے ایک اور ویڈیو شیئر کی جس میں بلباؤ میں شہریوں کی جانب سے سخت ردعمل اور احتجاج کیا جا رہا ہے۔ بتایا گیا کہ باسک پولیس کی جانب سے بلباؤ ایئرپورٹ پر گلوبل صمود فلوٹیلا کے رضاکاروں پر حملے کے خلاف بلباؤ میں بڑے پیمانے پر احتجاج کیا گیا۔ مظاہرین نے کا کہنا تھا کہ مظاہرے کا مقصد باسک سیکیورٹی فورسز کی جانب سے اپنائے گئے تشدد کے رویے کی مذمت اور اس سے مسترد کرنا ہے۔ میڈیا رپورٹس کے مطابق باسک کے امور داخلہ کے محکمے نے ایئرپورٹ پر پیش آنے والے ناخوش گوار واقعے کی تحقیقات شروع کردی ہے، جس میں پولیس کے طرز عمل اور قواعد کی خلاف ورزی کا تعین کیا جائے گا۔

اگر آپ اس خبر کے بارے میں مزید معلومات حاصل کرنا چاہتے ہیں تو نیچے دیے گئے لنک پر کلک کریں۔

مزید تفصیل