لاس اینجلس میں تیز رفتار گاڑی ہجوم پر چڑھ دوڑی، بڑے پیمانے پر ہلاکتوں کا خدشہ

لاس اینجلس کے علاقے ایسٹ ہالی وڈ کے سانتا مونیکا بلیوارڈ پر ایک گاڑی اچانک ہجوم پر چڑھ دوڑی۔ متعدد ایمبولینسوں کو جائے حادثہ پر دیکھا گیا ہے۔ ابتدائی معلومات کے مطابق حادثہ ایسٹ ہالی وڈ کے مصروف علاقے سانتا مونیکا بلیوارڈ پر پیش آیا، جو عام طور پر پیدل چلنے والوں، دکانوں اور کیفے سے بھرا ہوتا ہے۔ پولیس اور فائر ڈیپارٹمنٹ کے اہلکاروں کا کہنا ہے کہ ابھی صرف ابتدائی معلومات ہی دے سکتے ہیں۔ مزید تفصیلات تحقیقات کے بعد جاری کی جائیں گی۔ شہر کی انتظامیہ نے عوام سے اپیل کی ہے کہ وہ علاقے سے دور رہیں اور افواہوں پر یقین نہ کریں۔ مزید تفصیلات سامنے آتے ہی میڈیا کو آگاہ کیا جائے گا۔ پولیس نے موقع پر پہنچ کر علاقے کو گھیرے میں لے لیا۔ ابھی واضح نہیں کہ یہ واقعہ محض ایک حادثہ تھا یا دہشت گردی کا عنصر شامل ہے۔ تحقیقات جاری ہیں۔ لاس اینجلس فائر ڈیپارٹمنٹ نے بتایا اس حادثے میں 30 سے زائد افراد زخمی ہوئے ہیں جن میں کم از کم 8 کی حالت تشویشناک ہے۔ زخمیوں میں سے 4 کو انتہائی نگہداشت کے وارڈ میں رکھا گیا جہاں ان کی حالت نازک بتائی جا رہی ہے۔ ہلاکتوں کا خدشہ ظاہر کیا جا رہا ہے۔ فائر ڈیپارٹمنٹ نے ایک ابتدائی الرٹ جاری کرتے ہوئے بتایا کہ حادثہ علی الصبح پیش آیا، تاہم واقعے کی مکمل تفصیلات ابھی سامنے نہیں آ سکیں۔ امدادی کارکنوں نے فوری طور پر ریسکیو آپریشن شروع کیا اور شدید زخمیوں کو ایمبولینس کے ذریعے مختلف طبی مراکز پہنچایا۔ عینی شاہدین کے مطابق واقعہ اچانک پیش آیا اور لوگوں میں شدید خوف و ہراس پھیل گیا۔  

اگر آپ اس خبر کے بارے میں مزید معلومات حاصل کرنا چاہتے ہیں تو نیچے دیے گئے لنک پر کلک کریں۔

مزید تفصیل