ہندو تہوار پر ڈبکیاں لگانے کے دوران 37 بچوں سمیت 46 افراد ڈوب گئے

پٹنہ: بھارتی ریاست بہار میں ہندوؤں کے تہوار جیوت پتریکا کی انجام دہی کے دوران صرف 2 دن میں 46 افراد ڈوب کر ہلاک ہوگئے۔

عالمی خبر رساں ادارے کے مطابق ڈوبنے کے واقعات ریاست بہار کی مختلف ندیوں، دریاؤں اور تالابوں میں پیش آئے۔ جہاں بارش اور سیلاب کے باعث پانی چڑھا ہوا ہے۔

یہ تہوار بہار سمیت اترپردیش اور جھاڑ کھنڈ سمیت نیپال میں بھی بچوں کی حفاظت کے لیے منایا جاتا ہے اور اس تہوار میں پانی میں ڈبکیاں لگوائی جاتی ہیں۔

ریاست بہار کی حکومت نے لواحقین کے لیے فی کس 4 لاکھ بھارتی روپے امدادی رقم کا اعلان کیا ہے۔

واضح رہے کہ بھارت میں اس تہوار پر ہر سال درجنوں افراد ڈوب جاتے ہیں۔ گزشتہ برس بھی صرف ایک دن میں 22 افراد ڈوب کر ہلاک ہوگئے تھے۔

اگر آپ اس خبر کے بارے میں مزید معلومات حاصل کرنا چاہتے ہیں تو نیچے دیے گئے لنک پر کلک کریں۔

مزید تفصیل