ترکی: نامعلوم شخص کے مذاق نے ریسٹورنٹس کی ناک میں دم کر دیا

ازمیر: ترکی میں ایک شہری نے پرینک کے طور پر شہر کے 50 سے زائد ریسٹورنٹس پر مختلف کھانے کے آرڈرز دیے اور سب کو سابق گرل فرینڈ کے گھر کا پتہ دے دیا۔

میڈیا رپورٹس کے مطابق ترکی کے شہر ازمیر میں یہ واقعہ پیشا آیا جب ایک فلیٹ کی عمارت کے سامنے دو درجن سے زائد ڈلیوری کرنے والے جمع ہوگئے۔ اس غیر معمولی اجتماع کو راہگیروں نے ریکارڈ کیا اورویڈیو سوشل میڈیا پر پوسٹ کردی جو دیکھتے دیکھتے ہی وائرل ہوگئی۔

زیادہ دیر نہیں گزری تھی کہ میڈیا دفتروں کو اس واقعے کی بھنک پڑ گئی اور انہوں نے واقعے کی چھان بین شروع کردی۔ معلوم ہوا کہ ایک شخص نے ترکش فوڈ ڈیلیوری ایپ Yemeksepeti کے ذریعے جعلی ناموں سے کئی کھانوں کے آرڈرز کیے اور ان سب کو ایک ہی ایڈریس ارسال کیا۔

نامعلوم شخص نے مشکوک نمبر بھی استعمال کیا جو کہ 555 55 55 0555 تھا۔ آرڈرز موصول کرنے والے کچھ ریسٹورنٹس نے اس عجیب و غریب نمبر کو دیکھا اور تصدیق کے لیے اس نمبر پر کال کی لیکن بےسود تاہم بہت سے ریستورانون نے یہ کوشش کرنا بھی گوارا نہیں کی۔

ویڈیو میں دکھایا گیا ہے کہ ڈیلیوری کرنے والے 25 لڑکوں کا ٹولہ ادائیگی کی وصولی کے لیے ایک ہی عمارت کے سامنے انتظار کررہا ہے۔ کسی بھی ریسٹورنٹ نے پولیس میں شکایت درج کرانے سے انکار کر دیا ہے تاہم متعدد مقامی صحافیوں نے ریسٹورنٹس سے رابطہ کیا۔

ایک ریسٹورنٹ کے مالک نے بتایا کہ کئی دوسرے ریسٹورنٹس نے انہیں جعلی آرڈرز کے بارے میں خبردار کرنے کے لیے فون کیا تھا لیکن اس وقت تک بہت دیر ہوچکی تھی اور آرڈر جا چکے تھے۔ انہوں نے بتایا کہ سارے آرڈر ویسے ہی واپس آگئے جن میں سے زیادہ تر کو صائع ہی کرنا پڑا۔

اگر آپ اس خبر کے بارے میں مزید معلومات حاصل کرنا چاہتے ہیں تو نیچے دیے گئے لنک پر کلک کریں۔

مزید تفصیل