مشن امپاسیبل: دی فائنل ریکوننگ کا سنسنی خیز ٹریلر جاری، فلم کب ریلیز ہوگی؟

ہالی ووڈ کی مشہور زمانہ فرنچائز مشن: امپاسیبل سیریز کی نئی فلم ’دی فائنل ریکننگ‘ کا ٹریلر جاری کر دیا گیا ہے۔ دو منٹ سے زائد دورانیے پر مشتمل اس اسٹنٹس سے بھرپور سنسنی خیز ٹریلر نے مداحوں کے دل جیت لیے ہیں۔ اس میں شائقین کو بھرپور ایکشن، پرانی فلموں کے مناظر اور سپر اسٹار ٹام کروز کے دلچسپ اسٹنٹس دیکھنے کو ملتے ہیں۔ ٹریلر کا آغاز ٹام کروز (ایتھن ہنٹ) کے ہوائی جہاز سے لٹکنے کے سین سے ہوتا ہے، جبکہ پس منظر میں ایک آواز سنائی دیتی ہے: ’یہ سب سچ نہیں ہو سکتا۔‘ اس کے بعد فلم کی پرانی قسطوں کے اہم مناظر دکھائے جاتے ہیں جن میں ایتھن ہنٹ کے دل دہلا دینے والے ایکشن سین دکھائے گئے ہیں۔         View this post on Instagram                       A post shared by Tom Cruise (@tomcruise) فلم میں اس بار خطرہ اور بھی بڑا دکھایا گیا ہے اس کی کہانی ایک باغی مصنوعی ذہانت (AI) جسے "دی اینٹٹی" کہا جا رہا ہے، کے گرد گھومتی ہے جبکہ دکھایا گیا ہے کہ دنیا تباہی کے دہانے پر ہے اور ایتھن ہنٹ اپنی ٹیم سے آخری بار اعتماد کرنے کی اپیل کرتا ہے۔ یاد رہے کہ کرسٹوفر میک کواری کی ہدایتکاری میں بننے والی یہ فلم 23 مئی کو سینما گھروں میں نمائش کے لیے پیش کی جائے گی۔ فلم کی کاسٹ میں ٹام کروز سمیت ہیلی ایٹویل، وِنگ ریمز، سائمن پیگ، ونیسا کربی اور ایسائی مورالز شامل ہیں۔

اگر آپ اس خبر کے بارے میں مزید معلومات حاصل کرنا چاہتے ہیں تو نیچے دیے گئے لنک پر کلک کریں۔

مزید تفصیل