سانگھڑ میں زخمی اونٹنی کراچی منتقل، کو مصنوعی ٹانگ لگانے کا فیصلہ

سانگھڑ میں کٹی ہوئی ٹانگ والی اونٹنی کو علاج کیلئے کراچی منتقل کردیا گیا۔

صدر پیپلزپارٹی ویمن ونگ فریال ٹالپر کی ہدایت پر ٹانگ کٹنے کے نتیجے میں پیدا ہونے والے زخم کے علاج اور اسے مصنوعی ٹانگ لگانے کے لیے اونٹ کو کراچی پہنچایا گیا۔

اینیمل ہسپتال کے افسر ڈاکٹرخوشی محمد راجپوت کی نگرانی میں کراچی لایا گیا۔ رات گئے اینیمل ویلفیئر کمیٹی کے ممبران زخمی اونٹنی کو اپنی نگرانی میں کراچی لائے اور اینیمل شیلٹر کے ڈاکٹرز کی ٹیم نے زخمی اونٹنی کا علاج شروع کردیا۔

یہ بھی پڑھیں: سانگھڑ میں ظالم وڈیرے نے اپنی زمین سے گزرنے پر اونٹ کی ٹانگ کاٹ دی

پی پی رہنما سمیتا افضال سید کے مطابق اینیمل شیلٹر میں اونٹنی پرسکون محسوس کررہی ہے۔ زخمی اونٹنی کا مکمل علاج اور ریہیب کیا جائیگا اور مصنوعی پاؤں لگایا جائیگا۔

اگر آپ اس خبر کے بارے میں مزید معلومات حاصل کرنا چاہتے ہیں تو نیچے دیے گئے لنک پر کلک کریں۔

مزید تفصیل