راولپنڈی: بزنس مین کے گھر نقب زنی کی بڑی واردات، ایک کروڑ 70 لاکھ روپے کی نقدی،15 تولے زیورات چوری

راولپنڈی کے تھانہ روات کے علاقے کی نجی ہاؤسنگ سوسائٹی میں بزنس مین کے گھر  نقب زنی کی بڑی واردات  ہوئی جس میں نامعلوم ملزمان ایک کروڑ 70 لاکھ روپے کی نقدی اور 15 تولے زیورات پار کر گئے، پولیس و فرانزک سائنس ایجنسی کی ٹیموں نے شواہد اکھٹے کرکے تحقیقات شروع کردیں۔ پولیس کے مطابق نجی ہاؤسنگ سوسائٹی کے رہاہش بزنس میں شکیل خان نے پولیس کو اطلاع دی کہ شادی پر گئےتھے، گھر بند تھا واپس آئے تو تمام سامان بکھرا پڑا تھا اور گھر سے مجموعی طور پر ایک کروڑ ستر لاکھ روپے کی نقدی اور پندرہ تولے زیورات غائب تھے، اطلاع ملنے پر پولیس اور فرانزک ٹیمیں موقع پر پہنچیں اور شواہد اکھٹے کیے۔ ایکسپریس کے رابطہ کرنے پر شکیل خان کا کہناتھا کہ گاڑیوں کا کاروبار ہے، کراچی میں دو مکان حال ہی میں فروخت کیے تھے جن کی رقم گھر موجود تھی جو زیورات سمیت چوری ہوئی۔ ادھر پولیس نے شواہد اکھٹے کرکے تحقیقات شروع کردی ہیں اور نجی ہاؤسنگ سوسائٹی میں نصب سی سی ٹی وی کیمروں سے تحقیقات میں مدد لی جارہی ہے۔

اگر آپ اس خبر کے بارے میں مزید معلومات حاصل کرنا چاہتے ہیں تو نیچے دیے گئے لنک پر کلک کریں۔

مزید تفصیل