خیبر پختونخوا میں دریاؤں سے سونا نکالنے کے ٹھیکوں میں اربوں روپے کا مبینہ خوردبرد،  تحقیقات شروع

نیب  خیبرپختونخوا نے  صوبے  میں دریاؤں سے سونا نکالنے کے ٹھیکوں میں اربوں روپے کے مبینہ خوردبرد  کے معاملے کی تحقیقات شروع کردی۔ نیب ذرائع نے کہا کہ  دریاؤں سے سونا نکالنے کے لیے ٹھیکوں میں اربوں روپے کی غبن ہوئی ہے، دریائے سندھ میں نظام پور، صوابی، کوہستان اور کوہاٹ سمیت دیگر علاقوں سے سونا نکالا جاتا ہے۔ نیب ذرائع کے مطابق نظام پور میں سونا نکالنے کا ٹھیکہ 6 ارب کی بجائے چار ارب پر دیا گیا ہے، من پسند افراد کو کم قیمت پر ٹھیکہ دیکر سرکاری خزانے کو اربوں کا نقصان پہنچایا گیا ہے، نیب نے متاثرہ ٹھیکہ دار کی شکایت پر تحقیقات کا آغاز کردیا ہے۔  ذرائع  نے کہا کہ محکمہ معدنیات سے قبضے میں لئے گئے رکارڈ کی جانچ پڑتال شروع کردی گئی ہے، رکارڈ کی جانچ پڑتال کے بعد ملوث افراد اور اہکاروں کو شامل تفتیش کیا جائیگا۔

اگر آپ اس خبر کے بارے میں مزید معلومات حاصل کرنا چاہتے ہیں تو نیچے دیے گئے لنک پر کلک کریں۔

مزید تفصیل