ساحل عدیل کو گرفتاری کا خدشہ، حفاظتی ضمانت لینے عدالت پہنچ گئے

معروف یوٹیوبر ساحل عدیم گرفتاری کے خدشے کے پیش نظر حفاظتی ضمانت کے لیے اسلام آباد ہائیکورٹ پہنچ گئے۔ ساحل عدیم نے عدالت میں حفاظتی ضمانت کی درخواست دائر کرتے ہوئے مؤقف اختیار کیا ہے کہ انہیں مختلف مقدمات میں گرفتاری کا خدشہ ہے۔ درخواست میں استدعا کی گئی ہے کہ کیس کی سماعت آج ہی کی جائے اور انہیں گرفتاری سے تحفظ فراہم کیا جائے۔ ذرائع کے مطابق ساحل عدیم کے خلاف کراچی سمیت ملک کے دیگر شہروں میں مقدمات درج ہیں تاہم  ان مقدمات میں اُن پر عائد الزامات کی تفصیل سامنے نہیں آسکی۔ خیال رہے کہ ساحل عدیم سوشل میڈیا پلیٹ فارمز پر اکثر مذہبی موضوعات پر گفتگو کرتے نظر آتے ہیں اور انکی ویڈیوز نوجوانوں میں خاصی مقبول ہوتی ہیں۔

اگر آپ اس خبر کے بارے میں مزید معلومات حاصل کرنا چاہتے ہیں تو نیچے دیے گئے لنک پر کلک کریں۔

مزید تفصیل