شاہین، سُسر شاہد آفریدی کا میچ دیکھنے کیلئے تماشائی بن گئے

قومی ٹیم کے فاسٹ بولر شاہین شاہ آفریدی اپنے سُسر شاہد آفریدی کا میچ دیکھنے کیلئے اہلیہ کے ہمراہ تماشائی بن گئے۔

ورلڈ چیمپئن شپ آف لیجنڈز ٹورنامنٹ انگلینڈ کے شہر برمنگھم میں جاری ہے، ایجبسٹن کرکٹ گراؤنڈ میں کل روایتی حریف پاکستان اور بھارت کی ٹیمیں مدمقابل آئیں، اس میچ میں شاہین آفریدی اپنے سُسر شاہد آفریدی کو اہلیہ کے ہمراہ سپورٹ کرنے اسٹیڈیم پہنچے، جس کی تصویر سوشل میڈیا پر وائرل ہوگئی۔

اس میچ میں پاکستان لیجنڈز نے بھارتی ٹیم کو دھول چٹاتے ہوئے 68 رنز سے شکست دیکر ٹی20 ورلڈکپ میں موجودہ ٹیم کا بدلہ لیا۔

مزید پڑھیں: ‘لیجنڈز موجودہ کھلاڑیوں سے زیادہ فٹ ہیں’ یونس کا موقف آگیا

میچ کے دوران شاہد آفریدی کی بیٹنگ آئی تاہم وہ اپنے مخصوص انداز میں محض صفر پر پویلین لوٹ گئے تاہم سابق آل راؤنڈر نے شاندار بالنگ کا مظاہرہ کیا اور 2 اوورز میں محض 9 رنز دیئے۔

مزید پڑھیں: ورلڈ چیمپئین شپ آف لیجنڈز؛ آفریدی، اجے دیوگن کی ملاقات، ویڈیو وائرل

قومی لیجنڈز ٹیم ایونٹ میں اب تک ناقابل شکست ہے، ابتدائی تین مقابلوں میں گرین شرٹس نے بھارت، آسٹریلیا اور ویسٹ انڈیز کی ٹیموں کو شکست دی ہے جبکہ یونس الیون آج میزبان انگلینڈ کیخلاف میدان میں اُترے گی۔

مزید پڑھیں: لیجنڈز لیگ؛ پاکستان کی پوائنٹس ٹیبل پر کیا پوزیشن ہے؟

دوسری جانب شاہین آفریدی کی وائرل تصاویر میں مداح انہیں شاہد آفریدی سے سیکھنے اور قومی ٹیم کو لیجنڈز کھلاڑیوں کی نسبت کم فٹ تصور کررہے ہیں۔

اگر آپ اس خبر کے بارے میں مزید معلومات حاصل کرنا چاہتے ہیں تو نیچے دیے گئے لنک پر کلک کریں۔

مزید تفصیل