ترک کارگو بحری جہاز پر روسی ڈرون حملہ، متعدد ارکان زخمی

بحیرہ اسود میں ایک ترک ملکیتی کارگو جہاز میں روسی ڈرون حملے کے نتیجے میں آگ لگنے سے کم از کم دو افراد ہلاک اور عملے کے متعدد ارکان زخمی ہو گئے جن میں ایک بھارتی شہری بھی شامل ہے۔ رومانیہ میں بھارتی سفارت خانے نے کہا کہ عملے میں تین بھارتی شہری شامل ہیں اور ان میں سے ایک زخمی ہے اور اسے طبی امداد دی جارہی ہے۔ ایک پوسٹ میں بھارتی سفارت خانے نے بتایا کہ ہمیں بحیرہ اسود میں تجارتی جہاز MV ROYAD MAMMADOV پر آج حملے کے بارے میں معلوم ہوا ہے۔ ابتدائی معلومات کے مطابق، 2 ہلاک ہوئے ہیں  جب کہ عملے کے کچھ ارکان زخمی ہوئے ہیں اور ان کا رومانیہ میں علاج جاری ہے۔ مزید بتایا گیا ہے کہ عملے کے ارکان میں تین بھارتی شہری بھی شامل ہیں۔ سفارت خانے نے کہا کہ وہ بھارتی عملے کے ارکان کی حفاظت اور تندرستی کے بارے میں مزید معلومات اکٹھا کرنے کے لیے متعلقہ حکام کے ساتھ رابطے میں ہیں۔ بھارتی سفیر منوج موہا پاترا نے بعد میں تین بھارتی شہریوں سے بات کی اور تصدیق کی کہ وہ سب خیریت سے ہیں۔

اگر آپ اس خبر کے بارے میں مزید معلومات حاصل کرنا چاہتے ہیں تو نیچے دیے گئے لنک پر کلک کریں۔

مزید تفصیل