پاکستان کرکٹ بورڈ اور نجی بینک کے درمیان اسکولز ٹیلنٹ ہنٹ پروگرام کیلیے معاہدہ

پاکستان کرکٹ بورڈ (پی سی بی) اور نجی بینک کے درمیان اسکولز ٹیلنٹ ہنٹ پروگرام کے لیے معاہدہ طے پا گیا۔ لاہور کے قذافی اسٹیڈیم میں مفاہمتی یادداشت پر دستخط کی تقریب ہوئی جس میں چیئرمین پی سی بی محسن نقوی بطور مہمان خصوصی شریک ہوئے۔ وفاقی وزیر اطلاعات عطا اللہ تارڑ،  رکن قومی اسمبلی عون چوہدری،  ڈائریکٹر کمرشل پی سی بی علی عدنان زیدی بھی اس موقع پر موجود تھے۔ نجی بینک اسکولز ٹیلنٹ ہنٹ پروگرام کے لیے اسپانسر شپ کی مد میں مجموعی طور پر 10 کروڑ روپے فراہم کرے گا۔ پاکستان کرکٹ بورڈ اسکولز ٹیلنٹ ہنٹ پروگرام کے تمام انتظامات کرے گا۔ اسکولز ٹیلنٹ ہنٹ پروگرام کے تحت اسکولز میں کرکٹ کے دائرہ کار کو مزید بڑھایا جائے گا۔ Empowering Pakistan cricket's future at the grassroots level ???? PCB COO Sumair Ahmed Syed and Allied Bank Limited Chief North CRBG Abid Anwar sign MoU in the distinguished presence of PCB Chairman Mohsin Naqvi and CEO ABL Aizid Razzaq Gill#SchoolToStadium | #PCBTalentHunt pic.twitter.com/mvcb4Q358N — Pakistan Cricket (@TheRealPCB) October 28, 2026 چئیرمین پاکستان کرکٹ بورڈ محسن نقوی نے مفاہمتی یادداشت کا خیر مقدم کرتے ہوئے کہا کہ یہ معاہدہ اسکولز کی سطح پر کرکٹ کو فروغ دینے کے لیے معاون ثابت ہوگا۔ محسن نقوی کا کہنا تھا کہ پی سی بی اور نجی بینک کے درمیان شراکت داری سے نئے اسٹارز کرکٹ کے افق پر جگمگائیں گے۔ وفاقی وزیر اطلاعات عطا اللہ تارڑ نے اسکولز کرکٹ کو پروموٹ کرنے کے حوالے سے معاہدے کو خوش آئند قرار دیا۔ عطا اللہ تارڑ نے کہا کہ چئیرمین پی سی بی محسن نقوی کا اسکولز کرکٹ کو دوبارہ فعال کرنے میں متحرک کردار قابل تحسین ہے۔

اگر آپ اس خبر کے بارے میں مزید معلومات حاصل کرنا چاہتے ہیں تو نیچے دیے گئے لنک پر کلک کریں۔

مزید تفصیل