Loading
خواجہ اجمیر نگری انویسٹی گیشن پولیس کی حراست میں چیک باؤنس کا ملزم پولیس کو چکمہ دیکر فرار ہوگیا۔ اس حوالے سے پولیس کا کہنا ہے کہ ایس آئی او خواجہ اجمیر نگری انویسٹی عزیز میمن چیک باؤنس کے مقدمے میں نامزد حسان نامی ملزم کو حراست میں لیکر تھانے لائی تھی اور اس کی باضابطہ گرفتاری کے اندراج سے قبل مدعی مقدمہ کو شناخت کرانے کے لیے تھانے بلایا تھا تاہم اس دوران زیر حراست ملزم پولیس کو چکمہ دیکر فرار ہوگیا جس کی گرفتاری کے لیے پولیس چھاپے مار رہی ہے اور اسے جلد گرفتار کرلیا جائیگا۔ مدعی نے الزام عائد کیا ہے کہ پولیس نے ملزم کو فرار کرایا ہے جس پر پولیس کا موقف سامنے آیا ہے کہ اگر ملزم فرار کرانا ہوتا تو اسے گرفتار کر کے نہ تو تھانے لایا جاتا اور نہ ہی ملزم کی گرفتاری کی اطلاع مدعی کو دی جاتی۔
اگر آپ اس خبر کے بارے میں مزید معلومات حاصل کرنا چاہتے ہیں تو نیچے دیے گئے لنک پر کلک کریں۔
مزید تفصیل