ادارہ 'علم دوست' کی جانب سے'معلوماتِ عامہ' کے ماہرین میں تقسیمِ ایوارڈ 

ادارہ 'علم دوست' کی جانب سے'معلوماتِ عامہ' کے ممتاز ماہرین کو ایوارڈ عطا کئے گئے ہیں۔ آرٹس کونسل کراچی میں 17 میں سے 15 ایوارڈز پاکستان کوئز سوسائٹی کے ماہرین نے اپنے نام کئے جن میں عقیل عباس جعفری بھی شامل ہیں۔   کراچی میں منعقدہ ایک رنگارنگ تقریب میں ادارہ علم دوست کی جانب سے تقریبِ اعزازات منعقد ہوئی جس میں جس میں معلوماتِ عامہ (جنرل نالج) کے ممتاز ماہرین سمیت دیگر اہلیان علم کو ایوارڈز دیئے گئے۔ جنرل نالج کےماہرین کو ان کے غیرمعمولی کردار کے اعتراف میں اعزازات سے نوازا گیا۔  آرٹس کونسل کراچی کے حسینہ معین ہال میں منعقدہ تقریب کی صدارت ڈاکٹر الطاف مہکاتی نے کی جبکہ ڈاکٹر منصور ظفر مہمانِ خصوصی اور ممتاز پروڈیوسر تاجدار عادل، مہمانِ اعزازی تھے لیکن وہ ناسازی طبع کی بنا پر تشریف نہ لاسکے۔   اس تقریب میں پاکستان کوئز سوسائٹی انٹرنیشنل (رجسٹرڈ) سے وابستہ 15 افراد نے ایوارڈ حاصل کئے۔ ان میں بانی صدر عاصم علی قادری، ڈاکٹر عقیل عباس جعفری کو لائف ٹائم اچیومنٹ ایوارڈ عطا کئے گئے۔  13 ماہرین میں سید جواد رضا نقوی، طاہر حبیب، ڈاکٹر جمیلہ خانم، پروفیسرابراہیم غوری، پروفیسر منور علی قریشی، سعید احمد سعید، سہیل احمد صدیقی، عارف مصطفیٰ، امان اللہ پنجوانی، اطہر رضا اجنبی، محمد عارف سومرو اور واجد رضا اصفہانی شامل ہیں۔ کوئز سوسائٹی کے سابق رکن نفیس احمد خان کو بھی بعد ازمرگ ایوارڈ دیا گیا۔   ملک کے ممتاز مصنف اور دانشور فیروز ناطق خُسرو اور رضی الدین سید کو بھی لائف ٹائم اچیومنٹ ایوارڈ دیا گیا۔  واضح رہے کہ ملک کی ممتاز علمی شخصیت شبیرابنِ عادل ادارہ علم دوست کے روح رواں ہیں ان کی عدم موجودگی میں میر حسین علی امام، عطا محمد تبسم، اکبرعلی، خالد پرویزصدیقی، شاہد محی الدین، عطا الرحمان، سید عبدالباسط، اور گل بانو اس موقع پر موجود تھے جنہوں نے تقریب کو آگے بڑھایا۔ تاہم تقریب کی میزبانی کے فرائض، فرحانہ اویس نے انجام دیئے۔  

اگر آپ اس خبر کے بارے میں مزید معلومات حاصل کرنا چاہتے ہیں تو نیچے دیے گئے لنک پر کلک کریں۔

مزید تفصیل