توہین الیکشن کمیشن: عمران خان کی ویڈیو لنک کے ذریعے حاضری یقینی بنانے کی ہدایت

الیکشن کمیشن نے توہین الیکشن کمیشن کے کیس میں سابق چیئرمین پی ٹی آئی عمران خان کی 17 دسمبر کو ویڈیو لنک کے ذریعے حاضری یقینی بنانے کی ہدایت کر دی۔ ممبر سندھ کی سربراہی میں چار رکنی کمیشن نے سماعت کی۔ دوران سماعت ممبر سندھ نے کہا کہ حکام نے تحریری جواب دیا ہے کہ سابق چیئرمین پی ٹی آئی کی ویڈیو لنک سے حاضری کا بندوبست ہو جائے گا۔ ممبر خیبرپختونخوا کا کہنا تھا کہ سابق چیئرمین پی ٹی آئی کی تو کل ضمانت ہوگئی تھی۔ وکیل فیصل چوہدری نے کہا کہ کسی اور کیس میں گرفتاری ڈال دی گئی ہے۔ شواہد ریکارڈ کرنے کے لیے ملزم کی حاضری ضروری ہوتی ہے۔ الیکشن کمیشن نے ہدایت کی کہ آئندہ سماعت 17 دسمبر کو سابق چیئرمین پی ٹی آئی کی ویڈیو لنک سے حاضری یقینی بنائی جائے۔ آئندہ سماعت پر شواہد و گواہوں کے بیان ریکارڈ کیے جائیں گے۔

اگر آپ اس خبر کے بارے میں مزید معلومات حاصل کرنا چاہتے ہیں تو نیچے دیے گئے لنک پر کلک کریں۔

مزید تفصیل