جنسی ہوس کے شکار 68 سالہ شخص نے اپنے ہی بیٹے کی منگیتر سے شادی رچالی

چین میں 68 سالہ بوڑھے آدمی نے اپنے بیٹے کا رشتہ ختم کروا کر اس کی منگیتر سے ہی شادی رچالی۔ غیر ملکی میڈیا کے مطابق بینک آف چائنا کے سابق چیئرمین لیو لیانج نے اپنے بیٹے کا رشتہ ختم کروا کر اس کی منگیتر سے شادی کرلی ہے۔ لیولیانج کی عمر 68 سال ہے جب کہ وہ پہلے بھی تین بار شادی کرچکا ہے۔ اپنے بیٹے کی سابقہ منگیتر سے یہ اس کی چوتھی شادی ہے۔ چینی میڈیا کے مطابق بینک آف چائنا کے سابق چیئرمین لیو لیانج نے اپنی پہلی بیوی کو طلاق دے دی تھی اور اس کے بعد مزید 2 شادیاں کم عمر خواتین سے کی تھیں۔ لیو نے چوتھی شادی اپنے بیٹے کی سابقہ منگیتر سے کی ہے۔ میڈیا کے مطابق لیو لیانج کے بیٹے نے اپنے والد کو گرل فرینڈ سے ملوا کر بتایا تھا کہ وہ اس  لڑکی سے شادی کا خواہشمند ہے۔ لیکن لیو اپنے بیٹے کی منگیتر پر دل ہار بیٹھا اور اس سے شادی کرنے کےلیے سازشیں کرنے لگا۔ سازش کے تحت لیو لیانج نے جھوٹے الزامات لگا کر پہلے گرل فرینڈ کے خلاف اپنے بیٹے کو بھڑکایا اور پھر بیٹے کی دوستی اپنے دوست کی بیٹی کے ساتھ کروا دی۔ بعد ازاں بیٹے کی سابقہ گرل فرینڈ کو مہنگے ترین تحائف دے کر اپنی محبت کے جال میں پھنسا لیا۔ لیو کے بیٹے کو چھ ماہ بعد علم ہوا کہ اس کی سابقہ منگیتر اس کی تیسری سوتیلی ماں بن چکی ہے، جس کے بعد نوجوان شدید ڈپریشن کا شکار ہوگیا۔ لیولیانج کی بدقسمتی کہ وہ اپنی چوتھی شادی کے بعد مشکلات میں پھنس گیا، اور اس پر رشوت اور بدعنوانی کے مقدمات سامنے آنے کے بعد  عدالت سخت سزا سناچکی ہے۔ غیر ملکی خبر رساں ادارے کے مطابق گزشتہ برس نومبر میں لیو لیانج کو 17 ملین ڈالر رشوت لینے اور 450 ملین ڈالر سے زائد غیر قانونی قرضے جاری کرنے پر 2 سال کی مہلت کے ساتھ پھانسی کی سزا سنائی گئی لیکن غیر قانونی کاموں کے ساتھ لیو لیانج کا کردار بھی سرخیوں میں رہا جس نے اپنے بیٹے کی منگیتر کو بھی نہ چھوڑا۔

اگر آپ اس خبر کے بارے میں مزید معلومات حاصل کرنا چاہتے ہیں تو نیچے دیے گئے لنک پر کلک کریں۔

مزید تفصیل