سیکیورٹی فورسز کی خیبرپختونخوا میں کارروائیاں، مارچ میں 158 شدت پسند ہلاک

خیبر پختونخوا میں سکیورٹی فورسز نے مارچ کے مہینے میں 158 شدت پسندوں کو ہلاک کردیا۔ ایکسپریس نیوز کے مطابق  رواں سال مارچ میں سیکیورٹی فورسز نے کالعدم تنظیموں کے خلاف خیبرپختونخوا کے 15 اضلاع میں 73 انٹیلی جنس بیسڈ آپریشنز کیے جس کے دوران انتہائی مطلوب 158 شدت پسندوں کو ہلاک کیا گیا۔ سکیورٹی فورسز کی رپورٹ کے مطابق شمالی وزیرستان میں 40، ڈیرہ اسماعیل خان میں 25، ضلع مہمند میں 20، ضلع مردان اور بنوں میں 18,18، جنوبی وزیرستان میں 12، ضلع باجوڑ میں 6، لکی مروت میں 7، ضلع خیبر میں 4، ضلع کرک اور ٹانک میں 2, 2، جبکہ ضلع پشاور، ہنگو، سوات اور چارسدہ میں ایک ایک شدت پسند کو ہلاک کیا گیا ہے۔ رپورٹ کے مطابق مارچ میں سکیورٹی فورسز کی جانب سے شدت پسندوں کیخلاف کئے گئے 73 انٹیلی جنس بیسڈ آپریشن کے دوران بھاری مقدار میں اسلحہ اور بارود برآمد کئے گئے جن میں 123 ایس ایم جیز، 53 پستولیں، 34 بندوقیں، 29 راکٹ لانچرز، 22 ہینڈ لئرز، 9 مشین گنز اور 186دستی بم برآمد کئے گئے۔  

اگر آپ اس خبر کے بارے میں مزید معلومات حاصل کرنا چاہتے ہیں تو نیچے دیے گئے لنک پر کلک کریں۔

مزید تفصیل