انگلینڈ میں ہلکا سبز رنگ کبوتر نمودار، لوگ دیکھنے کیلئے جوق در جوق آنے لگے

ٹک ٹاک اور دیگر سوشل میڈیا پر ایک ہلکے سبز رنگ کے کبوتر کی ویڈیو وائرل ہوگئی ہے۔ یہ کبوتر پہلے پہل انگلینڈ کے قصبے نارتھیمپٹن میں لوگوں کی توجہ کا مرکز بنا۔ بہت سے ماہرین کا مشورہ یہ ہے کہ یہ اصل میں سفید یا عام فیرل کبوتر ہوتا ہے جسے کسی نے سبز رنگ سے رنگا ہے، ممکنہ طور پر کسی تقریب یا ویڈیو ٹرینڈ کے لیے۔  پرندوں کے میگزین برڈزواچ کے مطابق سبز رنگ نے کبوتر کی طاقت اور پرواز پر کوئی اثر نہیں ڈالا۔ اس کا رویہ فطری رہے گا جب تک کہ رنگ زہریلا نہ ہو۔  ماہرین کو اندیشہ ہے کہ رنگ یا ڈائی سے کیمیائی مواد پرندے کی صحت پر منفی اثر ڈال سکتا ہے، خواہ سانس پر ہو یا پنکھوں کے فنکشن یا ساخت پر۔ سبز کبوتر کی ویڈیو پر ٹک ٹاک پر چار ملین سے زائد ویوز آچکے ہیں جبکہ اسے دیکھنے کیلئے لوگ لندن سے بھی آ رہے ہیں۔ https://www.facebook.com/reel/1823146641941184 ویڈیوز اور کمنٹس میں لوگ حیرانگی اور تفریح دونوں کا اظہار کر رہے ہیں، ایک مقامی صارف نے کہا کہ یہ واقعی حیرت انگیز ہے، لوگ اس کبوتر کو دیکھنے کیلئے مختلف علاقوں سے میرے قصبے کا رُخ کررہے ہیں۔ واضح رہے کہ کچھ کبوتر مالکان اپنے کبوتروں کو رنگتے ہیں تاکہ مقابلے یا پہچان میں مدد ہوجائے، یہ روایت خاص طور پر اسپین میں پائی جاتی ہے۔ تاہم خوراک سے رنگ بدل جانا بھی ایک امکان ہے لیکن یہ نایاب ہے۔

اگر آپ اس خبر کے بارے میں مزید معلومات حاصل کرنا چاہتے ہیں تو نیچے دیے گئے لنک پر کلک کریں۔

مزید تفصیل