پشاور اور کوئٹہ ریلوے اسٹیشنز پر کارروائی، 7کلو چرس، 9لاکھ کی جعلی کرنسی برآمد

ریلویز پولیس نے ریلوے اسٹیشن کوئٹہ پر بڑی کارروائی کرتے ہوئے ریلوے مسافر کے قبضے سے 7 کلو کے قریب چرس برآمد کر لی۔ ضلع وہاڑی کے رہائشی ملزم امانت علی کو ریلوے اسٹیشن کوئٹہ پر شک کی بناء پر چیک کیا گیا جس نے پانی کے کولر میں برف کے نیچے خفیہ طریقے سے چرس چھپائی ہوئی تھی۔ ملزم کو موقع پر گرفتار کرکے تھانہ ریلویز پولیس کوئٹہ میں مقدمہ درج کر لیا گیا، مزید تفتیش جاری ہے۔ ریلویز پولیس پشاور ڈویژن نے بذریعہ ٹرین پاکستانی جعلی کرنسی کی اسمگلنگ کی کوشش ناکام بناتے ہوئے ریلوے مسافر کے قبضہ سے 9 لاکھ 84 ہزار روپے کی پاکستانی جعلی کرنسی برآمد کرلی۔ کراچی کے رہائشی عبدالواحد کی ایس ایچ او کینٹ انسپکٹر فیروز خان نے خود تلاشی لی۔ ملزم کو موقع پر گرفتار کرکے تھانہ ریلویز پولیس پشاور کینٹ میں مقدمہ درج کر لیا گیا۔

اگر آپ اس خبر کے بارے میں مزید معلومات حاصل کرنا چاہتے ہیں تو نیچے دیے گئے لنک پر کلک کریں۔

مزید تفصیل