مزیدار کھانے بنانے کا مقابلہ، کراچی کے نوجوان شیفس کی ٹیم نے میدان مار لیا

کراچی کے نوجوان شفیز نے میدان مارلیا، ٹیم ضیفان نامی گروپ نے کونٹینٹل اور دیسی امتزاج سے تیار کھانوں کی ڈش سے پہلی پوزیشن نام کرلی۔ پاکستان انسٹی ٹیوٹ آف ٹورازم اینڈ ہوٹل منجمنٹ کےتحت ایکسپوسینٹرکراچی میں دوسرے سالانہ کھانوں کے ایونٹ کے دوران 300 سے زائد نوجوان شیفس کے درمیان پاکستانی، کانٹی نینٹل، چینی ڈشزکے مقابلے ہوئے۔ اس دوران شہر قائد کے مختلف ہوٹلز وریسٹورنٹس سے تعلق رکھنے والے نوجوان شیفزنے ذائقہ دار کھانے تیار کر کے انتہائی پیشہ ورانہ اندازمیں سجا کرجیوری میں شامل ججزکےسامنے پیش کیا۔ ٹیم ضیفان ہوٹل کے گروپ میں شامل محمود سعید سمیت دیگردونوجوانوں نے انفرادی طورپر میڈلز اپنے نام کرلیے، 3 رکنی ٹیم کی جانب سے ڈریگن فروٹ، سیمبل اولیک پراون جبکہ مین کورس کے دوران گرل فش ودھ کولی۔ فلاور پوری اینڈ ہرب ساس تیارکی گئی، محکمہ وزارت ثقافت وسیاحت کی سرپرستی دوروزہ کھانے پکانے کے ایونٹ کے انعقاد مقصد ہوٹلنگ اورکلنری آرٹ میں دلچسپی رکھنے والےافراد بالخصوص نوجوانوں کو ان کی صلاحیتوں کےاظہار کے لیے پلیٹ فارم مہیا کرنا تھا تاکہ ان کی حوصلہ افزائی ہواور وہ اس شعبےمیں اپنا نام بناسکیں۔ پاکستان میں ہوٹل اورریسٹورنٹ کے شعبے نے گزشتہ چند سال میں بہت تیزی سے ترقی کی ہے یہی وجہ ہے کہ اس شعبے میں ہنرمند افرادی قوت اورماہر شیفس کی طلب میں نمایاں اضافہ ہوا ہے۔ دوسری جانب نوجوانوں کی بڑی تعداد اس شعبےکے طرف راغب ہوکر اندرون اور بیرون ملک روزگار حاصل کررہی ہے، اب شیف کا پیشہ معاشرے میں پہلےسے زیادہ عزت کی نگاہ سے دیکھا جارہا ہے اوران وجوہات کی بناء پرملک میں پیشہ ورتربیت فراہم کرنے والے اداروں اورکلنری آرٹ سیکھنے والوں کی تعداد میں بھی تیزی سےاضافہ ہورہا ہے۔

اگر آپ اس خبر کے بارے میں مزید معلومات حاصل کرنا چاہتے ہیں تو نیچے دیے گئے لنک پر کلک کریں۔

مزید تفصیل