کراچی: شادی کی تقریب میں ہوائی فائرنگ پر دولہا سمیت 7 ملزمان گرفتار

سکھن پولیس نے شادی کی تقریب میں ہوائی فائرنگ کرنے والے دولہا سمیت 7 ملزمان کو گرفتار کرلیا۔ پولیس کے مطابق گرفتار ملزمان میں دولہا گل حسن، شاہزیب، شہریار، زوہیب، عامر، عظیم اور شعیب شامل ہیں۔ گرفتار ملزمان بھینس کالونی میں شادی کی تقریب کے دوران ہوائی فائرنگ کرکے فرار ہوگئے تھے، ملزمان نے پولیس کارروائی کے دوران مزاحمت اور فرار کی کوشش بھی کی۔ گرفتار ملزمان کے قبضے سے پستول، ایمونیشن اورچلیدہ خولز برآمد کرلیے گئے، گرفتار ملزمان کے خلاف مقدمہ نمبر 326/2026 درج کرکے تفتیش شروع کردی گئی ہے۔

اگر آپ اس خبر کے بارے میں مزید معلومات حاصل کرنا چاہتے ہیں تو نیچے دیے گئے لنک پر کلک کریں۔

مزید تفصیل