ریاستی اداروں کے خلاف ہرزہ سرائی پر میر پور کے رہائشی عمران شیخ کے خلاف مقدمہ درج

ریاستی اداروں کے خلاف ہرزہ سرائی اورنفرت انگیز بیانات پر میر پور کے رہائشی عمران شیخ کے خلاف مقدمہ درج کرلیا گیا۔ عمران شیخ کے خلاف تھانہ سٹی میرپور میں دفعات 506، 504، 505 اور 123A/489Y کے تحت مقدمہ درج کیا گیا ہے۔ ایف آئی آر کے متن کے مطابق ملزم نے برطانیہ میں عوامی اجتماع میں ریاستی اداروں کے خلاف اشتعال انگیز اور توہین آمیز بیانات دیے۔  مقدمہ ریاست کے خلاف عوام کو اکسانے، ریاستی اداروں کی ساکھ کو نقصان پہنچانے کے لیے نفرت انگیز تقاریر کرنے پر درج کیا گیا ہے۔ ایف آئی آر کے مطابق ملزم نے قومی اداروں کے سربراہان کے خلاف نامناسب اور توہین آمیز زبان استعمال کی، پولیس نے مستند شواہد کی بنیاد پر مقدمے کا اندراج کر کے باقاعدہ قانونی کارروائی کا آغاز کردیا ہے۔

اگر آپ اس خبر کے بارے میں مزید معلومات حاصل کرنا چاہتے ہیں تو نیچے دیے گئے لنک پر کلک کریں۔

مزید تفصیل