معروف اداکارہ کا 35 برس کی عمر میں اچانک انتقال، خبر کو ایک ماہ تک پوشیدہ کیوں رکھا گیا؟

بھارتی فلموں ’7 آورز ٹو گو‘، ’دی فائنل ایگزٹ‘ اور ’گھوسٹ‘ میں اداکاری کے باعث پہچان بنانے والی اداکارہ اننیا راج 35 برس کی عمر میں انتقال کرگئیں، تاہم ان کی موت کی خبر تقریباً ایک ماہ بعد منظرِ عام پر آئی۔ اننیا راج کے اہلخانہ نے 16 اگست کو ان کے انتقال کی تصدیق کرتے ہوئے بتایا کہ اداکارہ 15 جولائی کی صبح نیند کے دوران پُرسکون انداز میں دنیا سے رخصت ہوئیں۔ خاندان کی جانب سے ان کی آخری رسومات کی تصاویر بھی اننیا کے آفیشل انسٹاگرام اکاؤنٹ پر جاری کی گئیں۔         View this post on Instagram                       اننیا راج نے ہندی فلموں کے علاوہ علاقائی سنیما اور میوزک ویڈیوز میں بھی کام کیا تھا۔ اگرچہ ان کے کریڈٹ پر فلموں کی تعداد زیادہ نہیں، تاہم ’7 آورز ٹو گو‘، ’دی فائنل ایگزٹ‘ اور ’گھوسٹ‘ میں ان کی اداکاری نے انہیں ناظرین میں شناخت دلائی۔ اداکارہ کی موت کی اصل وجہ تاحال سامنے نہیں آسکی۔ اہلخانہ کے مطابق اننیا ایک سال سے زائد عرصے سے جسمانی اور ذہنی تکالیف کا سامنا کر رہی تھیں اور انہوں نے ان مشکلات پر قابو پانے کے لیے بھرپور جدوجہد کی۔ تاہم خاندان نے کسی مخصوص بیماری، طبی عارضے یا تشخیص کی تفصیلات فراہم نہیں کیں، اس لیے ان کی موت کی حتمی وجہ کے بارے میں کوئی مصدقہ معلومات موجود نہیں۔ اننیا کی موت کی اطلاع فوری طور پر عام نہ کیے جانے نے بھی مداحوں کو حیران کردیا۔ اہلخانہ نے جولائی میں خاموشی اختیار کی اور تقریباً ایک ماہ بعد 16 اگست کو باضابطہ طور پر یہ خبر شیئر کی۔ خاندان کا کہنا ہے کہ یہ ان کے لیے انتہائی مشکل وقت ہے، اس لیے انہوں نے لوگوں سے نجی زندگی کا احترام کرنے اور انہیں سوگ کے دوران سکون فراہم کرنے کی درخواست کی۔ اہلخانہ نے اننیا کی روح کے لیے دعا کی اپیل کرتے ہوئے جذباتی پیغام بھی جاری کیا اور کہا کہ ان کی کمی ہمیشہ شدت سے محسوس کی جائے گی۔ خاندان کی جانب سے موت کی خبر ایک ماہ بعد جاری کرنے کی اس کے علاوہ کوئی اور وجہ نہیں بتائی گئی۔

اگر آپ اس خبر کے بارے میں مزید معلومات حاصل کرنا چاہتے ہیں تو نیچے دیے گئے لنک پر کلک کریں۔

مزید تفصیل