بصارت سے محروم گلگت بلتستان کے 15 سالہ فواد عالم پاکستان گاٹ ٹیلنٹ کے پہلے تاریخی ونر بن گئے

بصارت سے محروم ننھے فنکار فواد عالم نے اپنی آواز اور موسیقی کے ہنر سے ناظرین کے دل جیت کر ’پاکستانز گاٹ ٹیلنٹ‘ کے پہلے سیزن کی ٹرافی اپنے نام کر لی۔ 17 اقساط پر مشتمل شو کے فائنل میں فواد عالم کو عوام کی جانب سے سب سے زیادہ ووٹ ملے، جس کے بعد انہیں پاکستانز گاٹ ٹیلنٹ کے پہلے فاتح کا اعزاز حاصل ہو گیا۔ انہیں کامیابی پر ٹرافی کے ساتھ ایک نئی گاڑی بھی بطور انعام دی گئی۔         View this post on Instagram                       چھٹی جماعت کے طالب علم فواد نے شو کے آغاز سے ہی موسیقی سے اپنی محبت اور پُراعتماد پرفارمنس کے ذریعے ناظرین کو متاثر کیا۔ بصارت سے محرومی ان کے شوق کی راہ میں رکاوٹ نہ بن سکی اور وہ مقابلے کے مختلف مراحل عبور کرتے ہوئے فائنل تک پہنچے۔         View this post on Instagram                       فواد نے درجنوں امیدواروں کو پیچھے چھوڑتے ہوئے نہ صرف ٹائٹل اپنے نام کیا بلکہ اپنی صلاحیت اور اعتماد سے خصوصی صلاحیتوں کے حامل بچوں کیلئے بھی ایک حوصلہ افزا مثال قائم کر دی۔  

اگر آپ اس خبر کے بارے میں مزید معلومات حاصل کرنا چاہتے ہیں تو نیچے دیے گئے لنک پر کلک کریں۔

مزید تفصیل