پیرس اولمپکس؛ ریل لائنز پر حملوں نے خدشات کوجنم دے دیا

پیرس: پیرس اولمپکس کے آغاز سے چند گھنٹے قبل شہر میں چلنے والی تیز رفتار ریل لائنز پر حملوں نے خوف وہراس کے ساتھ مختلف خدشات کو جنم دےدیا، لیکن اولمپک  مشعل کا سفر جاری رہا،ان واقعات  سے8 لاکھ مسافروں کے متاثر ہونے کا امکان ہے۔

مقامی ریل کمپنی نے اسے بڑے پیمانے کا حملہ ظاہر کرتے ہوئے کہا کہ اس  کا مقصد نیٹ ورک کو مفلوج کرنا ہے، دوسری جانب یورو اسٹار نے مسافروں کو سفر نہ کرنے کی ہدایات جاری کرتے ہوئے  حفاظتی طور پر کچھ خدمات کو منسوخ بھی کردیا ہے۔

پیرس کی میئر این ہیڈلگو کا کہا ہے کہ مذکورہ واقعات سے  گیمز کی افتتاٰحی تقریب پر کوئی اثر نہیں پڑے گا۔

دریں اثنا آئی او سی کے صدر  تھامس باخ کا کہنا ہے کہ افتتاحی تقریب سے چند گھنٹے قبل ٹرین نیٹ ورک پر حملوں کے باجود انہیں فرانسیسی حکام پر مکمل اعتماد  ہے۔

واضح رہے کہ  پیرس کو ملک کے شمال، مشرق اور جنوب مشرق کے شیروں سے ملانے والی لائنز پربڑے پیمانے پر حملے میں آگ لگنے سے سگنل بکس کو نقصان پہنچا ہے، جبکہ مزید رکاوٹوں کا خدشہ بھی ظاہر کیا جارہا ہے۔

فرانسیسی وزیر اعظم نے انہیں تخریب کارانہ کارروائیاں قرار دیا ہے، ملک کے زویر کھیل نے  اسے کھیلوں پر حملہ تصور کرتے ہوئے کہا کہ  برسوں سے گیمز کا خواب دیکھنے والے کھلاڑیوں کے خواب کو سبو تاژ کیا جارہا ہے، انہوں نے کہا کہ   مجرمانہ واقعہ کی تحقیقات کا آغاز کر دیا گیا ہے۔

اگر آپ اس خبر کے بارے میں مزید معلومات حاصل کرنا چاہتے ہیں تو نیچے دیے گئے لنک پر کلک کریں۔

مزید تفصیل