الجزیرہ کی رپورٹ نے پہلگام واقعہ پر مودی حکومت کا گھناؤنا ایجنڈا بے نقاب کردیا 

عالمی نشریاتی ادارے الجزیرہ نے اپنی تازہ رپورٹ میں بھارت کے زیرِ انتظام جموں و کشمیر میں پہلگام فالس فلیگ حملے اور بھارتی حکومت کی ریاستی جبر، انسانی حقوق کی پامالی اور انتہا پسند پالیسیوں کو بے نقاب کر دیا ہے۔ رپورٹ کے مطابق بی جے پی حکومت نے اس حملے کو بنیاد بنا کر گودی میڈیا کے ذریعے انتہاپسند قوم پرستی کو فروغ دیا اور کشمیریوں کے خلاف مزید سخت اقدامات کیے۔ الجزیرہ نے انکشاف کیا کہ 1500 سے زائد بے گناہ افراد کو بغیر ثبوت حراست میں لیا گیا اور ہزاروں گھروں کو بغیر تحقیق منہدم کر دیا گیا۔ یہ اقدامات کشمیری عوام کو ڈر اور خاموشی پر مجبور کرنے کے لیے کیے جا رہے ہیں۔ رپورٹ میں کہا گیا کہ بی جے پی کا آبادیاتی ایجنڈا کشمیر کی ثقافتی اور مذہبی شناخت کو ختم کرنے کے درپے ہے، جبکہ میڈیا پر سنسرشپ اور زمینی حقائق کو چھپانے کی منظم مہم بھی جاری ہے۔ الجزیرہ نے خبردار کیا کہ نئے سیکیورٹی اقدامات عوام کو تحفظ دینے کے بجائے انہیں خوفزدہ کرنے کا ذریعہ بن گئے ہیں اور مسئلہ کشمیر کو جبر کے ذریعے حل کرنے کی کوشش نے بحران کو مزید سنگین بنا دیا ہے۔ سیاسی مخالفین اور سماجی کارکنان کو نشانہ بنایا جا رہا ہے، اور جمہوریت کے نام پر ریاستی طاقت کا استعمال عالمی برادری کے لیے لمحہ فکریہ ہے۔  

اگر آپ اس خبر کے بارے میں مزید معلومات حاصل کرنا چاہتے ہیں تو نیچے دیے گئے لنک پر کلک کریں۔

مزید تفصیل