والد کی بیماری کے بہانے بار بار ادھار لینے والی خاتون کو ساتھی کولیگ نے قتل کردیا

بھارت میں 28 سالہ خاتون کو آفس کے باہر پارکنگ میں 30 سالہ ساتھی ورکر نے تیز دھار آلے سے حملہ کرکے قتل کردیا۔ بھارتی میڈیا کے مطابق پونے میں ہونے والے اس ہولناک قتل کے مناظر درجنوں راہگیروں نے دیکھا لیکن کوئی بھی خاتون کی مدد کو نہیں آیا۔ خاتون کو شدید زخمی حالت میں اسپتال منتقل کیا گیا جہاں وہ زخموں کی تاب نہ لاتے ہوئی دم توڑ گئی۔ پولیس نے کرشنا کنوجا نامی ملزم کو گرفتار کرلیا۔ جس نے پولیس کو بتایا کہ مقتولہ میرے ساتھ آفس میں کام کرتی تھی اور مختلف اوقات میں والد کی بیماری کا جھوٹا بہانہ کرکے رقم بٹوری۔ ملزم نے بتایا کہ رقم کی واپسی کا تقاضا کرنے پر ہمیشہ ٹال مٹول کرتی رہی اور جب میں اس گاؤں پہنچا تو دیکھا کہ والد بالکل ٹھیک ہیں اور کبھی بیمار نہیں ہوئے۔ پولیس کو بیان میں ملزم نے بتایا کہ گاؤں سے تصدیق کے بعد میں آفس آیا اور شوبھدا کو پارکنگ بلایا وہاں تلخ کلامی ہوئی اور میں نے اس بگدے سے مارا۔ عنی شاہدین کا کہنا ہے کہ جیسے ہی ملزم نے بگدا نیچے پھینکا، شہریوں نے اسے دبوچ لیا اور تشدد کا نشانہ بناکر پولیس کے حوالے کیا۔  

اگر آپ اس خبر کے بارے میں مزید معلومات حاصل کرنا چاہتے ہیں تو نیچے دیے گئے لنک پر کلک کریں۔

مزید تفصیل