Saturday, February 22, 2025
 

چیمپئنز ٹرافی: جنوبی افریقا نے افغانستان کو 107 رنز سے شکست دے دی

 



آئی سی سی چیمپئنز ٹرافی کے تیسرے میچ میں جنوبی افریقا نے افغانستان کو 107 رنز سےشکست دے دی۔ نیشنل اسٹیڈیم کراچی میں کھیلے گئے گروپ بی کے پہلے میچ میں افغانستان کی ٹیم 316 رنز کا تعاقب کرتے ہوئے 44 ویں اوور میں 208 رنز پر ڈھیر ہوگئی۔ افغانستان کی جانب سے رحمت شاہ 90 رنز بنا کر نمایاں رہے۔ راشد خان 18، عظمت اللہ عمرزئی 18، ابراہیم زادران 17، صدیق اللہ اٹل 16، گلبدین نائب 13، رحمان اللہ گربز 10، نور احمد 9، محمد نبی 8جبکہ کپتان حشمت اللہ شاہدی 0 کے انفرادی اسکور پر پویلین لوٹے۔ پروٹیز کی جانب سے کیگیسو رباڈا نے 3، وائین مُلڈر اور لُنگی اینگیڈی 2، 2 جبکہ مارکو جینسن اور کیشو مہاراج نے 1، 1 وکٹ حاصل کی۔ اس سے قبل جنوبی افریقا نے ٹاس جیت کر پہلے بیٹنگ کرتے ہوئے مقررہ 50 اوورز میں 6 وکٹوں کے نقصان پر 315 رنز بنائے۔ ایڈن مارکرم 52 اور ویان ملڈر 12 رنز کے ساتھ ناٹ آؤٹ رہے۔ پروٹیز کی جانب سے اوپنر رائن رکلٹن نے 103 رنز کی شاندار اننگز کھیلی۔ کپتان ٹیمبا بووما 58 رنز بنا کر آؤٹ ہوئے۔ راسی وان ڈیر ڈوسن نے 52 اور ڈیوڈ ملر نے 14 رنز بنائے جبکہ مارکو جانسن صفر پر پویلین لوٹے۔ افغانستان کی جانب سے محمد نبی نے 2 کھلاڑیوں کو آؤٹ کیا جبکہ فضل حق فاروقی، عظمت اللہ عمر زئی اور نور احمد نے 1، 1 وکٹ حاصل کی۔  

اگر آپ اس خبر کے بارے میں مزید معلومات حاصل کرنا چاہتے ہیں تو نیچے دیے گئے لنک پر کلک کریں۔

مزید تفصیل