راولپنڈی؛ غیرت کے نام پر فرسٹ ایئر کی طالبہ کا مبینہ قتل، پولیس نے تحقیقات شروع کردیں

راولپنڈی کے تھانہ جاتلی کے علاقے سید کسراں میں غیرت کے نام پر 17 سالہ فرسٹ ایئر کی طالبہ کو مبینہ طور پر قتل کردیا گیا، پولیس نے رپورٹ درج کر کے تحقیقات شروع کردی۔ پولیس ذرائع کے مطابق تھانہ جاتلی میں تعینات ڈیٹکٹیو فٹ کانسٹیبل ( ڈی ایف سی) نے رپورٹ کیا کہ تھانہ جاتلی میں ڈی ایف سی تعینات ہوں، سید اڈہ پہنچا تو ذرائع سے اطلاع ملی کہ 17 سالہ فرسٹ ایئر کی طالبہ  مسماتہ (ن ) 3 فروری کو شب 8 بجے  گھر سے اچانک غائب ہوئی۔ گھر میں پتا چلنے پر والد اور چچا طالبہ  کی تلاش میں نکلے، سید اڈہ پہنچے توانھیں طالبہ   مل گی جس کو وہ گھر لے گیے، بعدازاں اگلے دن طالبہ کی موت کی خبرعلاقے میں پھیل گی کہ طالبہ  کو دن کے وقت علاقے کے قبرستان میں دفنا بھی دیا گیا۔  شبہ ہے کہ بچی کو اہل خانہ میں کسی نے غیرت کے نام پر مبینہ طور زہر دے کر یا دم گھونٹ کر قتل کردیا اور جرم چھپانے کے لیے تدفین بھی کردی ہے،لہٰذا قانون کارروائی عمل میں لائی جائے۔   پولیس کے مطابق علاقے میں پھیلی اطلاعات و ڈی ایف سی کی رپورٹ پر 174 ض ف کے تحت روزنامچہ رپورٹ درج کی لی گئی ہے اور مزید تفتیش دریافت کا عمل جاری ہے۔   پولیس کے مطابق چھان بین کرکے حالات واقعات کی روشنی میں عدالت سے قبر کشائی اور پوسٹمارٹم کے لیے رجوع کیا جائے گا۔  ایس پی صدر نبیل کھوکھر کا کہنا ہے کہ واقعے کہ اطلاع ملی اس کی تصدیق کررہے ہیں، صبح قبرکشائی اور پوسٹمارٹم کے لیے عدالت میں درخواست  دیں گے، پوسٹ مارٹم کے بعد صورتحال واضح ہوگی ، جو بھی رپورٹ آئی اس کے مطابق قانونی کارروائی عمل میں لائی جائے گی۔ 

اگر آپ اس خبر کے بارے میں مزید معلومات حاصل کرنا چاہتے ہیں تو نیچے دیے گئے لنک پر کلک کریں۔

مزید تفصیل