مداحوں کیلئے خوشخبری، شاہ رُخ خان کی ’میں ہوں نا‘ کے سیکوئل کی چہ مگوئیاں

بالی ووڈ کے سپر اسٹار شاہ رخ خان اور معروف ہدایتکارہ فرح خان ایک بار پھر ایک ساتھ کام کرنے جا رہے ہیں۔ بھارتی میڈیا کی رپورٹس کے مطابق شاہ رُخ اور فرح فلم ’‘میں ہوں ناں 2‘ کے کے لیے دوبارہ اکٹھے ہو رہے ہیں، جو 2004 میں ریلیز  اور بلاک بسٹر ثابت ہونے والی فلم ’میں ہوں ناں‘ کا سیکوئل ہوگی۔ یہ فلم شاہ رخ خان اور ان کی اہلیہ گوری خان کے بینر ریڈ چلیز انٹرٹینمنٹ کے تحت بنائی جانے والی پہلی فلم تھی، جس کی وجہ سے یہ ان کے لیے ایک خاص اہمیت رکھتی ہے۔ ذرائع نے بتایا کہ فرح خان نے فلم کے سیکوئل کے لیے ایک منفرد آئیڈیا تیار کیا ہے، جو شاہ رخ خان کو بھی بےحد پسند آیا ہے۔         View this post on Instagram                       A post shared by Red Chillies Entertainment (@redchilliesent) فرح خان اس وقت اپنے رائٹرز کے ساتھ مل کر فلم کا اسکرین پلے تیار کر رہی ہیں، جبکہ ریڈ چلیز کی ٹیم بھی اس عمل میں شامل ہے۔ شاہ رخ خان کا کہنا ہے کہ وہ کسی بھی فلم کا سیکوئل صرف بنانے کے لیے نہیں کرنا چاہتے بلکہ وہ ایک ایسی کہانی چاہتے ہیں جو پہلے حصے سے زیادہ متاثر کن ہو۔ رپورٹس کے مطابق فلم کا پہلا اسکرپٹ ڈرافٹ 2025 کے وسط تک مکمل ہو جائے گا۔ یاد رہے کہ ’میں ہوں ناں‘ نے ریلیز کے بعد شاندار کامیابی حاصل کی تھی اور کئی ایوارڈز بھی جیتے تھے۔ اس فلم کے سیکوئل کی خبریں سامنے آنے کے بعد مداحوں کی جانب سے بھی خوشی کا اظہار کیا جارہا ہے۔

اگر آپ اس خبر کے بارے میں مزید معلومات حاصل کرنا چاہتے ہیں تو نیچے دیے گئے لنک پر کلک کریں۔

مزید تفصیل