معصوم بچے کے سامنے ڈکیتی مزاحمت پر والد کو قتل کرنے کا مقدمہ درج

ڈیفنس فیزون طوبیٰ مسجد کے قریب ڈکیتی مزاحمت پر فائرنگ سے 38 سالہ شہری عامرسلطان کو قتل کرنے کی واردات کا مقدمہ درج کرلیا گیا۔ رپورٹ کے مطابق  پولیس نے کہا کہ مقتول عامر کے قتل کا مقدمہ بھائی شاکر سلطان کی مدعیت میں ڈیفنس تھانے میں درج کیاگیا، مقدمہ قتل اورڈکیتی کی دفعات کے تحت نامعلوم ملزمان خے خلاف درج کیا گیا۔ مدعی مقدمہ   نے کہا کہ  مقتول بھائی عید کے تیسرے روز اپنی فیملی کے ہمراہ رشتہ داروں سے ملنے حیدرآباد جانا چاہتا تھا،  بھائی فلیٹ سے نیچھے اتر کرگاڑی بونٹ اٹھا کرپانی وغیرہ چیک کر رہا تھا،  میں فلیٹ کی گیلری میں کھڑا ہو کردیکھ رہا تھا۔ یہ بھی پڑھیں: معصوم بچے کے سامنے خونی منظر؛ ڈکیتی مزاحمت پر ایک اور شہری قتل؛ فوٹیج سامنے آگئی اس دوران دو موٹر سائیکلوں پر سوار3 نامعلوم مسلح ملزمان آئے،  ایک موٹر سائیکل پر سوار 2 ملزمان نے دو سے تین چکر لگانے کے بعد بھائی کے پاس روک گئے،  موٹر سائیکل پر پیچھے بیٹھا ملزم بھائی کے پاس گیا اور دوسرا ملزم موٹر سائیکل پر بیٹھا رہا۔ مدعی مقدمہ     کے مطابق  مسلح ملزمان اسلحے کے زور پر بھائی عامر سلطان سے لوٹ مار کرنے لگے ، بھائی عامر سلطان نے مزاحمت کی اوربھائی قمیض شلوار میں ملبوس ملزم سے ہاتھا پائی کرنے لگا، موٹر سائیکل پردوسرے ملزم نے بھائی پرفائر کیے اور بھائی سے اس کا پرس اورموبائل فون چھین کرفرارہوگئے۔ ساتھ موجود بچے نے بے بسی کی تصویربن کر پورا خونی منظردیکھا۔

اگر آپ اس خبر کے بارے میں مزید معلومات حاصل کرنا چاہتے ہیں تو نیچے دیے گئے لنک پر کلک کریں۔

مزید تفصیل