پی ٹی آئی پارلیمانی کمیٹی کے اجلاس میں رہنما جھگڑ پڑے، سخت جملوں کا تبادلہ

پاکستان تحریک انصاف کی پارلیمانی پارٹی رہنماؤں کی آپس میں لڑائی ہوئی جس کے دوران شاہد خٹک اور شہریار آفریدی کے درمیان سخت جملوں کا تبادلہ بھی ہوا۔ ذرائع کے مطابق پارلیمانی پارٹی ارکان کی موجودگی میں شاہد خٹک اور شیریار افریدی کے درمیان سخت جملوں کا تبادلہ ہوا۔ ذرائع کے مطابق شاہد خٹک خیبر پختون خواہ میں معدنیات قانون سازی کا دفاع رہے تھے جبکہ شہریار آفریدی نے اپنا نقطہ نظر پارلیمانی کمیٹی کے سامنے رکھا۔ ذرائع کے مطابق شاہد خٹک نے کہا کہ اپ لوگ دہرا معیار رکھتے ہیں علی امین کے سامنے بھی یہی باتیں کریں، یہاں موقف دے رہے ہیں علی امین کے سامنے بھی معاملات کو رکھیں وہاں تو خاموشی رہتے ہے۔ ذرائع کا کہنا ہے کہ شہریار آفریدی نے جواب دیا کہ آپ نام لو کون خاموش رہتا ہے اور کس کا دہرا معیار ہے ۔ اس پر شاہد خٹک نے جواب دیا کہ جو لوگ ایسا انداز اپناتے ہیں میں نے اُن کی بات کی۔ ماحول کشیدہ ہونے پر پارٹی کے سینئر رہنماؤں نے دونوں رہنماؤں کو خاموش کروا دیا۔

اگر آپ اس خبر کے بارے میں مزید معلومات حاصل کرنا چاہتے ہیں تو نیچے دیے گئے لنک پر کلک کریں۔

مزید تفصیل