جنید صفدر کا چالان کیسے کیا گیا؟ مریم نواز نے تقریب کے دوران قصہ سنا دیا

وزیر اعلیٰ پنجاب مریم نواز نے پولیس اہلکار کی جانب سے چند روز قبل اپنے بیٹے جنید صفدر کا  چالان کیے جانے کا قصہ سنا دیا۔ لاہور میں تقریب سے خطاب کرتے ہوئے مریم نواز کا کہنا تھا ڈالا کلچر اور اسلحہ کی نمائش مجھے پسند نہیں، گزشتہ دنوں گھر آتے وقت میرے بیٹے جنید کے ساتھ سکیورٹی کی گاڑیاں تھیں، پولیس نے گاڑیوں کو روکا تو گاڑی میں جنید بیٹھے ہوئے تھے۔ ان کا کہنا تھا جنید کو دیکھ کر پولیس اہلکار نے معذرت کی کہ ہمیں نہیں پتا تھا، اہلکار نے کہا کہ نہیں پتا تھا کہ گاڑی میں وزیراعلیٰ کا بیٹا بیٹھا ہوا ہے، پولیس اہلکار نے جنید کو کہا کہ ہم آپ سے معافی مانگتے ہیں کہ آپ کو روکا۔ مریم نواز کا کہنا تھا فخر ہے کہ جنید نے پولیس اہلکار کو کہا کہ آپ نے اپنی ڈیوٹی سرانجام دی، میرے بیٹے نے اپنی سکیورٹی کی گاڑی کا چالان کرنے والے کو شاباش دی، جنید نے اہلکار سے کہا کہ آپ نے روکا تو اپنی ڈیوٹی نبھائی، چالان کریں۔ وزیر اعلیٰ کا کہنا تھا مجھے واقعے کا پتہ چلا تو میں نے ڈی آئی جی آپریشن فیصل کامران سے بات کی اور کہا کہ اس اہلکار سے میری بات کرائیں، میں اس اہلکار کو شاباش دی اور کہا کہ  وزیراعلیٰ کا بیٹا ہو یا کوئی اور، کوئی قانون سے بالاتر نہیں، آج ملزمان قسم اٹھا کر کانوں کو ہاتھ لگا کر جرائم سے تائب ہو رہے ہیں۔  

اگر آپ اس خبر کے بارے میں مزید معلومات حاصل کرنا چاہتے ہیں تو نیچے دیے گئے لنک پر کلک کریں۔

مزید تفصیل