کوہستان کرپشن اسکینڈل: نیب نے اعظم سواتی کا جواب غیرتسلی بخش قرار دیتے ہوئے انہیں طلب کرلیا

نیب خیبرپختونخوا نے کوہستان کرپشن اسکینڈل میں پاکستان تحریک انصاف کے رہنما اعظم سواتی کا جواب غیرتسلی بخش قراردیتے ہوئے انہیں نوٹس جاری کردیا اور اعظم سواتی کو 17جولائی کو طلب کرلیا۔ نیب نے وزیراعلیٰ کے معاون خصوصی امجد علی کو بھی نوٹس جاری کرکے طلب کیا ہے۔ اس ضمن میں نیب کی جانب سے جاری نوٹسز کے مطابق نیب کوہستان اسکینڈل میں 36 ارب روپے سے زائد کرپشن کی تحقیقات کر رہا ہے۔ اس ضمن میں پی ٹی آئی کے رہنما اعظم سواتی کو بھی نوٹس جاری کیا تھا جس پر انہوں نے جواب جمع کیاتاہم نیب نے اعظم سواتی کے جواب پرعدم اطمینان کا اظہار کیا ہے اور انہیں دوبارہ نوٹس جاری کرکے 17جولائی کو طلب کرلیا ہے۔ اسی طرح نیب نے وزیر اعلی کے معاون خصوصی امجد علی کو بھی نوٹس جاری کرکے ان سے اثاثہ جات کی تفصیلات طلب کر لی ہے اور17جولائی کو تصدیق شدہ ریکارڈ فراہم کرنے کی ہدایت کی ہے۔

اگر آپ اس خبر کے بارے میں مزید معلومات حاصل کرنا چاہتے ہیں تو نیچے دیے گئے لنک پر کلک کریں۔

مزید تفصیل