ایف آئی اے کی جدید خطوط پر تنظیم نو کا فیصلہ، جدید ٹیکنالوجی اور ہتھیار خریدنے کی منظوری

ایف آئی اے کی جدید خطوط پر تنظم نو کا فیصلہ کیا گیا ہے جس کے وزیر داخلہ نے فوری طور جدید ٹیکنالوجی اور مطلوبہ ہتھیاروں کی خریداری کی منظوری دے دی۔ وزیر داخلہ محسن نقوی نے ایف آئی اے ہیڈ کوارٹر اسلام آباد کا دورہ کیا، ایف آئی اے کے شہداء کی یادگار پر حاضری دی، قبروں پر پھول رکھے، فاتحہ خوانی کی اور شہداء کی عظیم قربانیوں کو زبردست الفاظ میں خراج عقیدت پیش کیا۔ بعدازاں انہوں ںے ایف آئی اے ہیڈ کوارٹر میں اعلیٰ سطح کے اجلاس کی صدارت کی‎‎‎۔ اجلاس میں ‎‎وزیر مملکت  داخلہ طلال چوہدری، سیکریٹری داخلہ، چئیرمین سی ڈی اے سمیت ایف آئی اے کے اعلیٰ افسران بھی اس موقع پر موجود تھے۔ ایف آئی اے کی جدید خطوط پر تنظم نو کا فیصلہ کیا جس کے لیے وزیر داخلہ نے جامع پلان طلب کرلیا۔ انہوں ںے ادارے کو مزید فعال بنانے کیلئے قوانین اور رولز میں ضروری ترامیم پر فوری کام کا آغاز کرنے کی ہدایت کردی۔ وزیر داخلہ نے ایف آئی اے کے لئے فوری طور جدید ٹیکنالوجی اور مطلوبہ ہتھیاروں کی منظوری دی۔ محسن نقوی نے کہا کہ ایف آئی اے کو حکومت کے ساتھ عوام کی توقعات پر پورا اترنا ہوگا، کارکردگی پر ہی ایف آئی اے کو مزید مراعات دی جائیں گی، ‎غیر قانونی امیگریشن میں ملوث مافیا سے آہنی ہاتھوں سے نمٹا جائے، بے رحمانہ کریک ڈاؤن کیا جائے اورزیرو ٹالرنس پالیسی اپنائی جائے۔ انہوں نے کہا کہ ‎‎‎ملک کی بدنامی کے ذمہ دار عناصر کو روکنا ایف آئی اے  کی اولین ذمہ داری ہے، ‎‎‎شہریوں کی سہولت کیلئے ائیرپورٹس پر امیگریشن عمل کو آسان اور سہل بنایا جائے۔ ‎وزیر داخلہ نے ایف آئی اے کو فاسٹ ٹریک کاؤنٹر قائم کرنے اور نصاب کو جدید خطوط کے مطابق بنانے کی ہدایت کی۔ انہوں ںے اسٹاف کی کمی کے پیش نظر منظور شدہ خالی اسامیوں پر فوری بھرتی کی ہدایت کی۔ ‎وزیر داخلہ نے ہیڈکوارٹر کی عمارت کی بحالی کے لیے ماسٹر پلان طلب کیا اور کہا کہ ایف آئی اے اکیڈمی کو نئی الاٹ کی گئی زمین پر منتقل کیا جائے۔ ‎‎‎‎‎محسن نقوی نے کی کراچی زونل آفس کی بحالی بھی جلد از جلد کرانے کی ہدایت کی۔ ‎‎ڈی جی ایف آئی اے راجہ رفعت مختار نے وزیر داخلہ کو ادارے میں جاری اصلاحات پر بریفنگ دی۔

اگر آپ اس خبر کے بارے میں مزید معلومات حاصل کرنا چاہتے ہیں تو نیچے دیے گئے لنک پر کلک کریں۔

مزید تفصیل