کراچی: بیٹے نے فائرنگ کرکے باپ، بھائی اور بھابھی کو قتل کردیا، واردات کا مقدمہ درج

کراچی میں بیٹے نے فائرنگ کرکے اپنے ہی گھر کے 3 افراد کو قتل کردیا جب کہ پولیس نے حیدرآباد کالونی میں پیش آئے واقعہ کا مقدمہ درج کرلیا۔ واقعہ کا مقدمہ زخمی خاتون کے ماموں کی محمد جاوید کی مدعیت میں تھانہ جمشید کواٹر تھانے میں درج کیا گیا ہے، مقدمے میں قتل، اقدام قتل کی دفعات شامل کی گئی ہیں۔ پولیس نے واقعہ میں ملوث ملزم کو گرفتار کرکے اسلحہ برآمد کرلیا یے، ایف آئی آر کے متن کے مطابق مدعی مقدمہ محمد جاوید میرے داماد نے مجھ بتایا کہ اسے سوشل میڈیا کے ذریعے معلوم صالحہ تبسّم کے گھر فائرنگ ہوئی ہے۔ جب میں سول اسپتال پہنچا تو معلوم ہوا کہ صالحہ تبسّم پر اس کے جیٹ اعجاز نے فائرنگ کی ہے، فائرنگ سے65 سالہ نعمت اللہ اور ان کا بیٹا35 سالہ عمید علی خان جاں بحق ہوئے جبکہ 30 سالہ صالحہ تبسّم زخمی ہوئی ہیں جو اسپتال میں زیرعلاج ہیں، زخمی خاتون فی الحال بات نہیں کررہی ہیں۔ ایس ایچ جمشید کوارٹر رانا عنصرنے بتایا کہ ملزم اعجاز کا اہلخانہ سے پیسوں کا تنازعہ چل رہا تھا، ملزم شادی شدہ ہے اور گھر والوں سے الگ رہتا تھا۔ ملزم نے ایم بی اے کی تعلیم حاصل کی ہے اور مارکیٹنگ کے شعبے سے وابستہ ہے۔ملزم اعجاز چار سال قبل بیرون ملک نوکری کرتا تھا۔ کورونا وائرس کے وقت پاکستان آیا اور جب سے یہی ہیں۔انہوں نے بتایا کہ ہولیس واقعہ کا مقدمہ ایف آئی آر نمبر 25/.532 زیر دفعہ 324/.302 کے تحت درج کرلیا ہے۔ اس واقعہ میں ملوث ملزم اعجاز کو کرفتار کرکے اسلحہ برآمد کرلیا یے۔پولیس واقعہ کی مذید تفتیش کررہی ہے۔

اگر آپ اس خبر کے بارے میں مزید معلومات حاصل کرنا چاہتے ہیں تو نیچے دیے گئے لنک پر کلک کریں۔

مزید تفصیل