پاکستان پیپلز پارٹی کے سینئر رہنما آغا سراج درانی انتقال کرگئے

پاکستان پیپلز پارٹی کے سینئر رہنما اور سابق اسپیکر سندھ اسمبلی آغا سراج درانی انتقال کرگئے جب کہ وزیراعلیٰ سندھ مراد علی شاہ نے ان کے انتقال پر گہرے دکھ اور افسوس کا اظہار کیا ہے۔ اپنے ایک جاری بیان میں وزیر اعلیٰ سندھ نے کہا کہ آغا سراج درانی پیپلز پارٹی کے مخلص، وفادار اور اصول پسند رہنما تھے۔ سید مراد علی شاہ نے کہا کہ آغا سراج درانی نے سندھ اسمبلی کی مضبوطی اور جمہوریت کے استحکام میں اہم کردار ادا کیا، مرحوم آغا سراج درانی کی خدمات کو ہمیشہ یاد رکھا جائے گا، آغا سراج درانی نے عوامی خدمت کو اپنی سیاست کا محور بنایا۔ انہوں نے کہا کہ رب کائنات مرحوم آغا سراج درانی کے درجات بلند فرمائے، وزیراعلیٰ سندھ کی مرحوم کے اہلِ خانہ سے تعزیت اور صبر جمیل کی دعا کی۔

اگر آپ اس خبر کے بارے میں مزید معلومات حاصل کرنا چاہتے ہیں تو نیچے دیے گئے لنک پر کلک کریں۔

مزید تفصیل