سلمان آغا کا وائرل رن آؤٹ: ٹریفک پولیس نے سبق آموز پیغام دے دیا

بنگلادیش کے خلاف میچ میں سلمان علی آغا کے متنازع رن آؤٹ کے بعد راولپنڈی ٹریفک پولیس کی پوسٹ سوشل میڈیا پر چھا گئی ہے۔ ٹریفک پولیس نے میچ کی تصویر شیئر کرتے ہوئے ایک دلچسپ لیکن سبق آموز پیغام دیا، جس میں احتیاط اور ذاتی ذمے داری کی اہمیت پر زور دیا گیا۔ پوسٹ میں لکھا گیا: ’’سڑک ہو یا کھیل کا میدان، محفوظ رہنے کے لیے، دوسروں پر بھروسہ کم اور خود پر اعتماد زیادہ کریں!‘‘ سب سے اہم چیز آپ کی اپنی ذمے داری اور محتاط رویہ ہے۔ راولپنڈی ٹریفک پولیس نے مزید لکھا کہ دوسروں پر مکمل انحصار کرنے کے بجائے اپنے فیصلوں پر بھروسہ کریں اور ہر قدم سوچ سمجھ کر اٹھائیں۔ یہ پیغام ڈرائیونگ کے حوالے سے بھی سبق آموز قرار دیا گیا، جس میں ٹریفک قوانین کی پابندی، اردگرد کی صورتحال پر نظر رکھنا اور اپنی حفاظت کو اولین ترجیح دینا شامل ہے۔ پولیس کا کہنا ہے کہ یہی رویہ نہ صرف آپ کو بلکہ دوسروں کو بھی محفوظ رکھتا ہے۔ Whether on the road or on the playing field, safety begins with personal responsibility. Trust yourself, stay alert, and make wise decisions to keep yourself and others safe.#SafePunjab #trafficawareness #RoadSafety #StayAlert pic.twitter.com/m3gGu1qFWh — City Traffic Police, Rawalpindi (@ctprwp) March 13, 2026 یاد رہے کہ بنگلادیش کے خلاف دوسرے ون ڈے میچ میں سلمان علی آغا 64 رنز پر بیٹنگ کر رہے تھے جب بنگلادیشی کھلاڑی مہدی حسن نے انہیں رن آؤٹ کیا۔ 38.3 اوورز میں پاکستان کے 227 رنز پر تین کھلاڑی آؤٹ تھے اور محمد رضوان سلمان کے ساتھ کریز پر موجود تھے۔ ویڈیو میں دیکھا جا سکتا ہے کہ محمد رضوان نے بولر کی جانب شاٹ کھیلا، گیند سلمان علی آغا سے ٹکرائی اور وہ مہدی حسن کو دینے لگے، لیکن اسپنر نے فوری گیند اٹھا کر وکٹ پر مار دی، جس کے نتیجے میں سلمان علی آغا آؤٹ ہوگئے۔ رن آؤٹ کے بعد سلمان علی آغا کا غصہ بھی واضح نظر آیا، اور پویلین واپس جاتے ہوئے انہوں نے ہیلمٹ اور گلوز اتار کر پھینک دیے اور بنگلادیشی بولر کی جانب اشارہ کرکے کچھ کہتے رہے۔ Crucial moment! Mehidy Hasan Miraz removes Salman Agha with a brilliant run-out. ⚡????#BCB #Cricket #Bangladesh #Pakistan #ODI pic.twitter.com/N0inKkZVwz — Bangladesh Cricket (@BCBtigers) March 13, 2026

اگر آپ اس خبر کے بارے میں مزید معلومات حاصل کرنا چاہتے ہیں تو نیچے دیے گئے لنک پر کلک کریں۔

مزید تفصیل