فیصل آباد: شادی سے انکار پر طالبہ تشدد کیس میں مرکزی مجرم کو 14سال قید، ایک کروڑ 21 لاکھ روپے جرمانہ

فیصل آباد میں شادی سے انکار پر میڈیکل کی طالبہ پر تشد کے کیس میں مرکزی مجرم شیخ دانش کو 14 سال 9 ماہ قید با مشقت، 1 کروڑ 21 لاکھ روپے جرمانے کی سزا سنادی گئی۔ رپورٹ کے مطابق شریک مجرمہ ماہم فاطمہ کو 9 سال 9 ماہ قید اور 61 لاکھ 50 ہزار روپے جرمانہ کیا گیا۔ میڈیا رپورٹس کے مطابق اگست 2022 میں ایک ویڈیو سوشل میڈیا پر وائرل ہوئی جس میں میڈیکل طالبہ کو تشدد اور تذلیل کا نشانہ بنایا گیا، طالبہ کے بال اور بھنویں کاٹ دی گئیں، اسے جوتوں پر زبان لگانے پر مجبور کیا گیا۔ بعد ازاں پولیس نے کل 6 ملزمان کے خلاف ایف آئی آر درج کی، جن میں شامل تھے، شیخ دانش علی — مرکزی ملزم، شریک ملزمہ مہم فاطمہ سمیت دیگر 4 افراد جن میں کچھ سیکیورٹی گارڈ تھے، مقدمہ سائبر کرائم (PECA 2016) اور دیگر متعلقہ دفعات کے تحت درج تھا۔  

اگر آپ اس خبر کے بارے میں مزید معلومات حاصل کرنا چاہتے ہیں تو نیچے دیے گئے لنک پر کلک کریں۔

مزید تفصیل