کراچی میں کرین کی ٹکر سے نوجوان جاں بحق، نوعمر لڑکا زخمی

ماڑی پور روڈ دعا ہوٹل کے قریب کرین کی ٹکر سے موٹر سائیکل سوار نوجوان جاں بحق جبکہ نوعمر لڑکا زخمی ہوگیا ، پولیس نے ڈرائیور کو گرفتار کرلیا۔ تفصیلات کے مطابق ماڑی پور روڈ دعا ہوٹل کے قریب ٹریفک حادثے میں موٹر سائیکل سوار نوجوان جاں بحق جبکہ نوعمر لڑکا زخمی ہوگیا۔ متوفی کی لاش کو رضا کاروں نے ضابطے کی کارروائی کے لیے سول اسپتال منتقل کیا جہاں متوفی کی شناخت 22 سالہ معیز کے نام سے کی گئی جبکہ زخمی لڑکے کی شناخت 15 سالہ رحیم کے نام سے ہوئی جس کو طبی امداد فراہم کی جا رہی ہے۔ ہیڈ محرر تھانہ کلری جاوید نے بتایا کہ حادثے کی اطلاع ملتے ہی پولیس نے موقع پر پہنچ کر کرین کے ڈرائیور آصف کو حراست میں لیکر گاڑی کو تھانے منتقل کر دیا اور اس حوالے سے پولیس مزید تحقیقات کر رہی ہے۔

اگر آپ اس خبر کے بارے میں مزید معلومات حاصل کرنا چاہتے ہیں تو نیچے دیے گئے لنک پر کلک کریں۔

مزید تفصیل