سندھ ہائیکورٹ کا ایس ایس پی پر کروڑوں روپے مانگنے کے الزام سے متعلق درخواست پر انکوائری کا حکم

سندھ ہائیکورٹ نے ایس ایس پی زبیر شیخ پر کروڑوں روپے مانگنے کے الزام سے متعلق درخواست پر آئی جی سندھ کو انکوائری کا حکم دیدیا۔ ہائیکورٹ میں ایس ایس پی زبیر شیخ پر 5 کروڑ روپے مانگنے کے الزام سے متعلق درخواست کی سماعت ہوئی۔ درخواستگزار کے وکلا قمبر عباس اور بشری عباس ایڈووکیٹس نے موقف دیا کہ درخواستگزار حمزہ اسپیشل بچہ ہے۔ حمزہ نے زمین سے قبضہ ختم کرانے کے لیئے ملیر کورٹ سے رجوع کیا تھا۔ عدالت نے قبضہ ختم کرانے کیلئے ناظر مقرر کیا۔ ملزمان نے قبضہ ختم کروانے والی ٹیم پر فائرنگ کردی۔ پولیس نے عدالتی حکم پرعمل کے بجائے درخواستگزار پر مقدمہ درج کرلیا۔ پولیس نے حمزہ سے 5 کروڑ روپے کا مطالبہ کیا۔ پولیس نے پیسے نہ ملنے پر اسپیشل بچے پر ہی پتھراؤ الزام عائد کردیا۔ عدالت نے آئی جی سندھ کو انکوائری کرنے کا حکم دیدیا۔ عدالت نے ریمارکس دیئے الزام بہت سنگین ہے انکوائری کرکے 20 اگست کو رپورٹ پیش کیجائے۔

اگر آپ اس خبر کے بارے میں مزید معلومات حاصل کرنا چاہتے ہیں تو نیچے دیے گئے لنک پر کلک کریں۔

مزید تفصیل