بھارت: شہری کا گاڑی چوری ہونے سے بچانے کا انوکھا طریقہ

بھارتی ریاست بہار کے شہر گوپال گنج میں ایک شخص نے اپنی نئی مہندرا اسکارپیو کلاسک کو چوری سے محفوظ رکھنے کے لیے انوکھا طریقہ اختیار کرتے ہوئے گاڑی گھر کی دوسری منزل پر پہنچا دی۔ سوشل میڈیا پر وائرل ویڈیو میں دیکھا جاسکتا ہے کہ ایک کرین کی مدد سے نئی اسکارپیو کو ہوا میں اٹھایا گیا اور انتہائی احتیاط سے گھر کی چھت پر منتقل کردیا گیا۔ رپورٹس کے مطابق گاڑی کے مالک منوج یادو اسرائیل میں کام کرتے ہیں اور انہوں نے اپنی نئی گاڑی ایک ڈرائیور کی دیکھ بھال میں چھوڑی تھی۔ تاہم، ڈرائیور کے وہاں سے چلے جانے کے بعد خاندان کو گاڑی کی سیکیورٹی کے حوالے سے تشویش لاحق ہوگئی۔         View this post on Instagram                       ممکنہ چوری سے بچنے کے لیے خاندان نے گاڑی کو گھر کی چھت پر رکھنے کا فیصلہ کیا۔ کرین کے ذریعے گاڑی کو دوسری منزل تک پہنچانے کی ویڈیو سامنے آنے کے بعد یہ غیر معمولی واقعہ سوشل میڈیا پر تیزی سے وائرل ہوگیا۔ صارفین کی جانب سے اس اقدام پر دلچسپ تبصرے کیے جارہے ہیں، جبکہ کئی افراد نے اسے گاڑی کی حفاظت کے لیے اب تک کا سب سے غیر معمولی طریقہ قرار دیا ہے۔

اگر آپ اس خبر کے بارے میں مزید معلومات حاصل کرنا چاہتے ہیں تو نیچے دیے گئے لنک پر کلک کریں۔

مزید تفصیل