پیٹرولیم مصنوعات مسلسل مہنگی: گڈز ٹرانسپورٹ کرایوں میں اضافہ

پیٹرولیم مصنوعات کی قیمتوں میں مسلسل اضافے کے ردعمل میں آل پاکستان گڈز ٹرانسپورٹ اتحاد نے ملک بھر میں ٹرانسپورٹ کے کرایوں میں 5 فیصد اضافے کا باضابطہ اعلان کر دیا ہے۔ نجی ٹی وی کے مطابق آل پاکستان گڈز ٹرانسپورٹ اتحاد کے صدر ملک شہزاد اعوان نے ایندھن کی قیمتوں میں بار بار ہونے والے اضافے کی شدید مذمت کی ہے۔ انہوں نے کہا کہ ایندھن کی قیمتوں میں روزانہ کی بنیاد پر تبدیلی کسی صورت قبول نہیں کی جائے گی، کیونکہ اس سے ٹرانسپورٹ کا پورا نظام بری طرح متاثر ہو رہا ہے۔ ملک شہزاد اعوان نے مزید کہا کہ حکومت کی یقین دہانی پر ملک گیر ہڑتال کو 40 دن کے لیے مؤخر کیا گیا تھا۔ حکومت کی جانب سے مانگا گیا یہ وقت اگلے ہفتے مکمل ہو رہا ہے، جس کے بعد آئندہ کے لائحہ عمل کا فیصلہ کیا جائے گا۔ دوسری جانب جماعت اسلامی نے بھی پیٹرولیم لیوی کے نفاذ کے خلاف 20 ستمبر کو اسلام آباد کی جانب مارچ کرنے کا اعلان کیا ہے، تاکہ حکومت کو عوام دشمن پالیسیوں پر نظرثانی کرنے کے لیے مجبور کیا جا سکے۔

اگر آپ اس خبر کے بارے میں مزید معلومات حاصل کرنا چاہتے ہیں تو نیچے دیے گئے لنک پر کلک کریں۔

مزید تفصیل