امریکا؛ ہوسٹن جانے والی پرواز پُراسرار علاقے برمودا میں لاپتا؛ سرچ آپریشن شروع

امریکا میں برمودا سے بوسٹن جانے والی ایک میڈیکل ٹرانسفر پرواز سے دورانِ سفر اچانک رابطہ منقطع ہوگیا جس کے بعد امریکی حکام نے طیارے کی تلاش کے لیے سمندری علاقے میں سرچ آپریشن شروع کردیا۔ حکام کے مطابق لاپتہ طیارہ ایک گلف اسٹریم جی 100 میڈیکل جیٹ تھا، جو برمودا سے بوسٹن کے لوگن انٹرنیشنل ایئرپورٹ کی جانب روانہ ہوا تھا۔ طیارے میں ایک مریض سمیت مجموعی طور پر 6 افراد سوار تھے۔ امریکی فیڈرل ایوی ایشن ایڈمنسٹریشن (FAA) کے مطابق طیارے سے مقامی وقت کے مطابق رات تقریباً 2 بجے رابطہ منقطع ہوا۔ رابطہ ختم ہونے کے بعد طیارے کی موجودہ پوزیشن کے بارے میں فوری طور پر کوئی قابلِ اعتماد معلومات سامنے نہیں آسکیں۔ واقعے کی اطلاع ملتے ہی امریکی کوسٹ گارڈ نے تلاش کا عمل شروع کیا۔ ریسکیو ٹیمیں میساچوسٹس کے ساحلی علاقے اور نانٹکٹ کے قریب سمندری حدود میں طیارے کے ممکنہ مقام کا سراغ لگانے کی کوشش کر رہی ہیں۔ حکام کی جانب سے فی الحال یہ واضح نہیں کیا گیا کہ طیارے سے رابطہ کس وجہ سے منقطع ہوا یا آیا اس نے کوئی ہنگامی سگنل بھیجا تھا۔ موسم، پرواز کے آخری معلوم مقام اور طیارے کے ریڈار ریکارڈ سمیت مختلف پہلوؤں کا جائزہ لیا جا رہا ہے۔ میڈیکل ٹرانسفر پرواز ہونے کے باعث طیارے میں موجود مریض کی حالت اور اسے فوری طبی امداد کی ضرورت بھی امدادی کارروائی میں اہم عنصر ہے۔ امریکی حکام نے کہا ہے کہ تلاش کا آپریشن جاری ہے اور مزید معلومات طیارے کے مقام یا سوار افراد کی صورتحال واضح ہونے کے بعد سامنے آنے کا امکان ہے۔

اگر آپ اس خبر کے بارے میں مزید معلومات حاصل کرنا چاہتے ہیں تو نیچے دیے گئے لنک پر کلک کریں۔

مزید تفصیل