آزاد کشمیر: ہجیرہ کے سرحدی گاؤں میں بھارتی فوج کی بارودی سرنگ پھٹنے سے چار نوجوان شہید

آزاد کشمیر کے ضلع پونچھ کی تحصیل ہجیرہ کے سرحدی گاؤں مہنڈلہ کے چار نوجوان بھارتی فوج کی بچھائی بارودی سرنگ پھٹنے سے شہید ہوگئے۔ ایکسپریس نیوز کے مطابق مہنڈلہ گاؤں میں چشمے کے پائپ کی مرمت کے دوران آئی ڈی پھٹنے سے دھماکہ ہوا اور چاروں نوجوان موقع پر ہی شہید ہوگئے۔ مقامی عمائدین کے مطابق بھارتی آرمی نے چشمے کے قریب آئی ڈی (بم) لگائی تھی جو بلاسٹ ہوگئی، شہداء میں سردار فیضان صغیر، سردار اشتیاق، عاصم رفیق اور وقاص شریف شامل ہیں، چاروں کا تعلق دولی برادری سے ہے اور ان کی عمریں بیس سے تیس سال کے درمیان ہیں۔ مقامی ذرائع کے مطابق ہجیرہ میں دھماکا بھارتی قابض افواج کی بچھائی گئی انٹی پرسن لینڈ مائن سے ہوا، ممکنہ طور پر لینڈ مائن بھارتی مقبوضہ علاقے سے بہہ کر آزاد کشمیر میں آگئی تھی۔ چاروں شہید نوجوانوں کی میتیں تحصیل ہیڈ کوارٹر اسپتال ہجیرہ پہنچادی گئیں۔ کمشنر پونچھ سردار وحید نے واقعہ کی تصدیق کی ہے اور موقف دیا ہے کہ  دھماکے کی نوعیت کا پتا لگایا جا رہا ہے۔

اگر آپ اس خبر کے بارے میں مزید معلومات حاصل کرنا چاہتے ہیں تو نیچے دیے گئے لنک پر کلک کریں۔

مزید تفصیل