پاک قطر سکیورٹی پارٹنرشپ اور داخلی سلامتی میں تعاون مزید مضبوط بنانے پر اتفاق

پاکستان اور قطر کے درمیان سکیورٹی پارٹنر شپ اور داخلی سلامتی میں تعاون مزید مضبوط بنانے پر اتفاق ہوا ہے۔ وفاقی وزیر داخلہ محسن نقوی نے دوحہ میں قطری ہم منصب و داخلی سلامتی فورس کے کمانڈر شیخ خلیفہ بن حمد بن خلیفہ آل ثانی سے اہم ملاقات کی ہے۔ ملاقات میں داخلی سکیورٹی سے متعلقہ شعبوں میں دوطرفہ تعاون بڑھانے اور سکیورٹی پارٹنرشپ کو مضبوط کرنے پر اتفاق کیا گیا۔ اس موقع پر خطے کی موجودہ صورتحال اور علاقائی امن و استحکام کے امور پر بھی تفصیلی تبادلہ خیال ہوا، جبکہ دونوں وزارتوں کے درمیان باہمی تعلقات کو مستحکم بنانے کے عزم کا اعادہ کیا گیا۔ ملاقات میں فیصلہ کیا گیا کہ داخلی سکیورٹی سے متعلق باہمی تعاون اور شراکت داری کو مزید مضبوط بنایا جائے گا۔ وفاقی وزیر داخلہ محسن نقوی نے کہا کہ پاکستان اور قطر علاقائی امن و استحکام کے لیے مل کر کام کر رہے ہیں، جبکہ قطری وزیر داخلہ نے واضح کیا کہ قطر پاکستان کے ساتھ اپنے تعلقات کو انتہائی اہمیت دیتا ہے۔

اگر آپ اس خبر کے بارے میں مزید معلومات حاصل کرنا چاہتے ہیں تو نیچے دیے گئے لنک پر کلک کریں۔

مزید تفصیل