پشاور میں ایل پی جی 600، شمالی علاقہ جات میں 750 روپے کلو تک پہنچ گئی

پشاور سمیت خیبرپختونخوا میں ایل پی جی کا بحران شدت اختیار کرگیا، گیس کی فراہمی نہ ہونے پر قیمتوں میں مسلسل اضافہ ہورہا ہے، فی سلینڈر 10 ہزار روپے سے تجاوز کر گیا ہے، پشاور میں ایل پی جی کی قیمت 600 روپے فی کلو جبکہ شمالی علاقوں میں 750 روپے فی کلو تک پہنچ گئی۔  ملک بھر میں ایل پی جی بحران شدت اختیار کر گیا ہے، ایران امریکہ کشیدگی کے بعد ایل پی جی کی فراہمی میں کمی ہوئی جس کے بعد  گیس سلنڈر کے نرخ مسلسل بڑھنے لگے ہیں۔ اوگرا نے رواں ماہ ایل پی جی کی سرکاری قیمت 279 روپے 34 پیسے فی کلو مقرر کی ہے، جبکہ مارکیٹ میں گیس 550 سے 600 روپے فی کلو تک فروخت ہو رہی ہے جبکہ متعلقہ ادارے قیمتوں کو کنٹرول کرنے میں ناکام دکھائی دیتے ہیں۔  شہریوں کا کہنا ہے کہ ایل پی جی مہنگی ہونے سے سب سے زیادہ غریب طبقہ متاثر ہو رہا ہے، ایل پی جی قیمتیں بڑھنے کے ساتھ قدرتی گیس بھی شہریوں کو فراہم نہیں ہورہی دیہی اور پشاور کے نواحی علاقوں میں شہریوں نے لکڑیوں کا استعمال شروع کردیا ہے، جس سے لکڑی کے نرخ بھی بڑھنے لگے ہیں  گئے۔ لکڑی کی فی من قیمت بھی 200 سے 300 روپے بڑھ گئی۔ 1400 سے 1600 روپے من تک ملنے والی لکڑی کی قیمت اب 1600 روپے سے 1800 روپے من ہوگئی ہے۔

اگر آپ اس خبر کے بارے میں مزید معلومات حاصل کرنا چاہتے ہیں تو نیچے دیے گئے لنک پر کلک کریں۔

مزید تفصیل