پُراسراریت پھیلانے والے چینی خلائی طیارے خدائی اژدہاکو امریکی سیٹلائٹ کیمرے نے پکڑلیا

چین کے خفیہ خلائی طیارے کی پہلی واضح تصویر سامنے آگئی جس میں یہ ایک دوسرے خلائی جہاز کے ساتھ منسلک دکھائی دے رہا ہے جبکہ اس کے شمسی پینل کھلے ہوئے ہیں۔ امریکی دفاعی انٹیلی جنس ایجنسی کی جاری کردہ رپورٹ میں شامل یہ تصویر 2024 میں امریکی کمپنی میکسار کے مصنوعی سیارے نے تقریباً 90 کلومیٹر کے فاصلے سے کھینچی تھی۔ تصویر میں 4.5 سینٹی میٹر فی پکسل تک کی تفصیل دیکھی جاسکتی ہے۔ اس خلائی طیارے کو شین لونگ یعنی خدائی اژدہا کہا جاتا ہے۔ یہ ایک خودکار اور دوبارہ استعمال کے قابل طیارہ ہے جسے راکٹ کے ذریعے خلا میں بھیجا جاتا ہے اور مشن مکمل ہونے پر یہ عام ہوائی جہاز کی طرح زمین پر اتر سکتا ہے۔ تصویر میں اس کے پچھلے حصے میں سامان رکھنے کا دروازہ کھلا دکھائی دیتا ہے جبکہ شمسی پینل بھی نصب ہیں۔ اس سے ماہرین کو طیارے کی ساخت اور ممکنہ صلاحیتوں کا جائزہ لینے کا موقع ملا ہے۔ The US Defense Intelligence Agency has released a NEI image of China’s reusable spaceplane Shenlong from Maxar, taken in 2024. CASC Shenlong CSS-HQ vs Boeing X-37B OTV.@grok, please compare China’s reusable spaceplane Shenlong and the X37-B. pic.twitter.com/An7Csx5Xcx — Fay (@FaySue6) October 28, 2026 امریکی رپورٹ کے مطابق یہ طیارہ خلا میں مختلف اشیا بھیجنے، ان کی آزمائش کرنے اور انہیں واپس لانے کی صلاحیت رکھتا ہے۔ اس نے اپنے سابقہ مشنز کے دوران کئی نامعلوم اشیا بھی خلا میں چھوڑی ہیں تاہم ان کی اصل نوعیت اور مقصد واضح نہیں ہوسکا۔ شین لونگ کا ڈیزائن امریکی خلائی فوج کے بوئنگ ساختہ خفیہ طیارے ایکس 37 بی سے کافی مشابہت رکھتا ہے۔ یاد رہے کہ چین نے اب تک اس طیارے کی کوئی سرکاری تصویر جاری نہیں کی اور نہ ہی اس کے مشنز کی مکمل تفصیلات فراہم کی ہیں۔ اس کا چوتھا خلائی مشن 7 فروری 2026 کو شروع ہوا تھا۔

اگر آپ اس خبر کے بارے میں مزید معلومات حاصل کرنا چاہتے ہیں تو نیچے دیے گئے لنک پر کلک کریں۔

مزید تفصیل